Hinggil sa CRIHinggil sa Serbisyo Filipino
   

CMG Komentaryo: Mga di-responsableng politikong Amerikano, dapat panagutin sa COVID-19 pandemic

(GMT+08:00) 2020-05-02 08:06:16       CRI
Sa kasalukuyan, lumampas na sa 1.1 milyon ang kumpirmadong kaso ng COVID-19 sa Amerika, at mahigit 97 libo naman ang mga nasawi.

Ang malubhang kalagayan ng epidemiya sa Amerika ay hindi lamang banta sa kaligtasan ng buhay at kalusugan ng mga mamamayan ng bansang ito, kundi nagpapahirap din sa pagpigil at pagkontrol ng buong daigdig sa pandemiya.

Kaugnay nito, sinabi minsan ni Richard Horton, Editor-in-Chief ng The Lancet, kilalang magasing medikal, na sinayang ng Amerika ang buong Pebrero at unang dako ng Marso, bago kumilos sa paglaban sa COVID-19. Lumikha aniya ang Amerika ng "human tragedy" kaugnay ng sakit na ito.

Malaki ang pagkakamali ng mga politikong Amerikano sa paghawak ng COVID-19 pandemic. Dapat sila umangkin ng responsibilidad dito.

Una, sa simula pa lamang, pinagwalang-bahala ng mga politikong Amerikano ang babalang inilabas ng Tsina at World Health Organization (WHO), at hindi nila isinagawa ang mga napapanahon at mabisang hakbangin bilang pagharap sa sakit.

Ikalawa, sa aspekto ng pandaigdig na kooperasyon sa paglaban sa COVID-19 pandemic, isinasagawa pa rin ng mga politikong Amerikano ang patakarang "America First." Habang lumalaki ang pangangailangan ng iba't ibang bansa sa mga kagamitang medikal, hindi lamang kinokontrol ng Amerika ang pagluluwas ng mga kagamitang medikal, kundi ninanakaw rin nila ang mga ito mula sa pandaigdig na pamilihan.

Ikatlo, para ibaling ang sisi, ipinatalastas ng Amerika ang pagsuspinde sa pagbibigay-pondo sa WHO. Ang desisyong ito ay maglilimita sa kakayahan ng WHO sa pagtulong sa mga umuunlad na bansa sa paglaban sa COVID-19, at sa bandang huli, magbabanta sa sistema ng kalusugang pampubliko ng buong mundo.

Kung may mga tao na dapat sisihin sa COVID-19 pandemic, ang mga ito ay ang iresponsableng politikong Amerikano. Sa harap ng pinakamatinding krisis sa mundo sapul noong World War II, tinalikuran nila ang pinakamalakas na sandata ng pagkakaisa at pagtutulungan, at pinili ang landas na nagresulta sa sarili nilang kapahamakan at kapahamakan ng buong daigdig. Ang kasaysayan ang siyang magiging huwes sa kanilang mga aksyon!

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>