CMG Komentaryo: Turista sa May Day Holiday, umabot sa 115 milyon: kabuhayang Tsino, mabilis na nanunumbalik

Dahil sa mabisang pagkontrol sa Corona Virus Disease 2019 (COVID-19), umabot sa 115 milyon ang mga turistang Tsino noong panahon ng May Day Holiday sa loob ng bansa.

Ito ang unang peak ng turismo sa loob ng Tsina.

Lubos nitong ipinakita, na pinasusulong ng malakas na pangangailangan sa konsumo ng mga mamamayang Tsino ang pagpapanumbalik ng kabuhayan.

Dahil sa epidemiya, inilagay sa mas mababa sa 30% ang maximum reception ng mga lugar panturista.

Kahit sa kalagayang ito, sinabi ng Ministri ng Kultura at Turismo ng Tsina, na umabot pa rin sa 47.56 bilyong yuan RMB ang kitang panturismo noong May Day Holiday.

Ipinakikita nito, na kahit ang nasabing industriya ang pinakagrabeng apektado ng COVID-19, mabilis itong bumabalik sa normal na takbo.

Sa pamumuno ng Partido Komunista ng Tsina (CPC), at pamahalaang Tsino, at pagsisikap at pagkakaisa ng mga mamamayang Tsino, ang Tsina ang unang bansang muling umaahon mula sa pandemiya nitong nakaraang mahigit 3 buwan.

Ito ang dahilan kung bakit ligtas ang paglalakbay sa May Day Holiday.

Bukod dito, walang humpay ring sumusulong ang pagpapanumbalik ng trabaho sa mga kompanyang Tsino.

Bilang bansa na mayroong halos 30% na contribute rate sa kabuhayang pandaigdig, ang mabisang pagkontrol sa epidemiya at pagpapabilis sa work resumption ay nagdudulot ng kompiyansa at puwersang tagapagpasulong sa kabuhayan ng buong mundo.

Ayon sa ulat kamakailan ng "Financial Times" ng Britanya, ipinalalagay ng ilang tagapag-analisa na, ang isa sa mga dahilan sa malaking rebound ng stock market ng Amerika noong Abril ay pag-asang pamumunuan ng Tsina ang recovery ng kabuhayang pandaigdig.

Lubos na ipinakikita ng katotohanan na di--nagbabago ang mabuting pundasyon ng kabuhayang Tsino sa malayuang panahon.

Sa kasalukuyan, mahigpit pa rin ang kalagyaan ng pagpigil at pagkontrol sa COVID-19 sa buong mundo, at kailangan ang kooperasyong pandaigdig sa kapuwa pagpigil ng epidemiya at pagpapanumbalik ng kabuhayan.

Salin:Sarah