Habang naitatala araw-araw ang mahigit 20 libong bagong kaso, nananatiling malubha ang epidemiya ng COVID-19 sa Amerika.
Ang hindi mabisang paghawak ng pamahalaang Amerikano sa epidemiya ay pangunahing sanhi sa kalagayang ito. Para ibaling ang sisi, tinatangka ng mga politikong Amerikano, na palaganapin ang mga kasinungalingan.
Isa sa mga kasinungalingang ito ay tungkol sa pinagmulan ng novel coronavirus. Paulit-ulit na sinabi ng ilang politikong Amerikano, na ang virus ay mula sa isang laboratoryo sa Wuhan, Tsina, kung saan unang natuklasan ang novel coronavirus.
Pero, kontra sa palagay na ito hindi lamang ang mga eksperto ng World Health Organization, kundi rin ang mga opisyal ng Amerika mismo, na gaya nina Anthony Fauci, Direktor ng U.S. National Institute of Allergy and Infectious Diseases; John Ratcliffe, nominee bilang Director ng National Intelligence; at Andrew Weissmann, dating punong tagapayo ng Federal Bureau of Investigation.
Sinabi nilang, walang anumang ebidensiya ang nagpapatunay na ang novel coronavirus ay galing sa laboratoryo sa Wuhan. Ipinalalagay din nilang, ang virus ay nagmula sa kalikasan, sa halip na nilikha ng tao.
Ang di-umanong "paghiwalay" o "decoupling" sa Tsina ay isa pang kasinungalingang pinapalaganap ng mga politikong Amerikano, para ilipat ang pansin ng mga tao.
Pagkaraang maganap ang epidemiya ng COVID-19 sa Tsina, sinabi ng mga politikong Amerikano, na magdudulot ito ng pagbalik ng manupaktura sa Amerika, at paglikha ng maraming trabaho.
Pero, tingnan natin ang katotohanan. Dahil malubha ang epekto ng epidemiya sa Amerika, noong unang kuwarter ng taong ito, nakita sa kabuhayang Amerikano ang pinakamalaking pagbaba sapul noong 2008 financial crisis, at noong Abril naman, nawalan ng trabaho ang mahigit 20 milyong Amerikano.
Samantala, nagdagdag kamakailan ng pamumuhunan sa Tsina, para magpalawak ng kanilang negosyo, ang mga kompanyang Amerikano, na gaya ng Starbucks, Walmart, Tesla, at ExxonMobil.
Ang katotohanan ay hindi puwedeng takpan ng pananalita. Huli ang naging tugon ng Amerika kaysa ibang bahagi ng mundo sa paglaban sa COVID-19. Maraming buhay ang nabuwis, at mukhang imposibleng mabilis na maibababa ang bilang ng mga bagong kaso. Ito ang panahon para harapin ng pamahalaang Amerikano ang mga tunay na hamon sa loob ng bansa, sa halip na ibaling ang sisi sa iba.
Salin: Liu Kai
