Sinabi nitong Biyernes, Mayo 8, 2020 ni Tagapagsalita Hua Chunying ng Ministring Panlabas ng Tsina na nitong nakalipas na ilang buwan, walang tigil na binatikos ng ilang opisyal na Amerikano ang sistemang pulitikal ng Tsina, dahil sa Corona Virus Disease 2019 (COVID-19) pandemic, at hindi ito katanggap-tanggap sa panig Tsino.
Kaugnay ng pananalita ng opisyal na Amerikano na magkaiba ang sistema ng Amerika at Tsina, saad ni Hua, may pagkakaiba ang dalawang pamahalaan sa isang aspekto, ibig sabihin, sa mula't mula pa'y iginigiit ng Partido Komunista ng Tsina (CPC) at pamahalaang Tsino ang pagpapahalaga sa mga mamamayan at buhay, at buong lakas na ginagamot ang bawat nagkasakit ng coronavirus.
Dagdag niya, walang kontradiksyon sa pagitan ng mga sistemang pulitikal ng Tsina at Amerika, at maaaring may-harmonyang makipamuhayan sa isa't isa ang dalawang bansa. Ito ay angkop sa komong interes ng kanilang mga mamamayan.
Ani Hua, sa harap ng pandemiya, dapat isaisang-tabi ang pagkakaiba sa ideolohiya at sistemang pulitikal, dahil ang pinakamahalaga'y pangangalaga sa kaligtasan ng buhay ng mga mamamayan.
Salin: Vera