Pangulong Xi Jinping ng Tsina: matibay na alalahanin ang pag-asa ng ina at igiit ang orihinal hangarin mula sa puso

Ang Mayo 10, 2020 ay Araw ng mga Ina.

Kaugnay nito, makikita sa tanggapan ni Pangulong Xi Jinping ng Tsina ang ilang larawan ng kanyang pamilya. Kabilang dito ang isang litratong kinuha habang naglalakad siya kasama ng inang si Qi Xin na kumakatok sa puso ng napakaraming tao. Malaki ang natutunan ni Xi sa pagtuturo ng ina.

Hindi malilimutan ni Xi ang araw na binili ng kanyang ina mula sa Xinhua Bookstore ang aklat tungkol kay Yue Fei, na isang pambansang bayani ng Dinastiya ng Katimugang Song. Isinalaysay ni Qi Xin kay Xi, ang istorya kung bakit "Itinato ng Ina ni Yue Fei ang mga Karakter sa Kanyang Balat." Dahil dito, tumatak sa puso ni Xi ang apat na salitang "Jing Zhong Bao Guo (buong-pusong katapatan sa paglilingkod sa bansa)." Ang mga salitang ito ang naging haligi ng mga hangarin ni Xi sa kanyang buong buhay.

Minsa'y sinabi ni Xi na bilang mga magulang, dapat ipakita ang magagandang ideya ng moralidad sa mga bata para bigyang-patnubay sila tungo sa pagkakaroon ng katapatan, prinsipyo at dignidad. Ito ani Xi, ay nakakatulong sa mga bata na magkaroon ng mabuting puso at magpapasulong sa kanilang malusog na paglaki upang maging kapaki-pakinabang na tao para sa bansa at mga mamamayan.

Sa silid-aralan ng pamilya, natutunan ni Xi ang malalim na damdamin para sa kanyang pamilya at buong bansa, at nakapagpalakas sa kanyang katapatan, prinsipyo at dignidad bilang isang tao.

Lubos na pinahahalagahan ni Xi ang pagmamahal ng pamilya. Ngunit, dahil siya noon ay isang kadre, sa napakaraming okasyon at pestibal, di siya nakauwi para makasama ang pamilya.

Sa Spring Festival ng taong 2001, tinawagan si Xi ng kanyang ina: si Xi noon ay Gobernador ng probinsyang Fujian ng Tsina. Sinabi ng kanyang ina, "ang lubos na pagpapabuti ng iyong gawain ay ang pinakamalaking pagmamahal at donasyon na maibibigay mo para sa amin ng iyong ama."

Pareho ang pinagmulan at pinag-ugatan ng "maliit na pamilya" at "malaking pamilya." Ang malalim na hangarin sa "pagsasabalikat" at "paggampan sa responsibilidad at tungkulin" ay nagmula sa pag-unawa at pagsuporta ng ina.

Taglay ang isang mapagmahal na puso para sa lahat ng mamamayan, hangarin ng pagpupunyagi ni Xi Jinping na magkaroon ng magandang buhay ang lahat ng mga pamilya sa bansa.

"Ang katuturan ng aking ideya sa pangangasiwa ay paglilingkod para sa mga mamamayan at pagsasabalikat ng sariling karapat-dapat na responsibilidad," sabi ni Xi.

Nitong mga taong nakalipas, kahit na nagbago ang gawain at posisyon, palagian at matibay na inaalala ni Xi ang pag-asa ng ina, at iginigiit ang orinihal na tawag at hangarin mula sa kanyang puso.

Salin: Lito