Hinggil sa CRIHinggil sa Serbisyo Filipino
   

CMG Komentaryo: Poot, ikinakalat ng ilang politikong Amerikano

(GMT+08:00) 2020-05-25 15:38:08       CRI

Upang pagtakpan ang sariling kapabayaan sa pagpigil at pagkontrol sa pandemiya ng Corona Virus Disease 2019 (COVID-19), sinasadyang sulsulan ng ilang politikong Amerikano ang racial antagonism at ginagamit nila ang pandemiya upang siraan ang Tsina para makuha ang kapakanang pulitikal.

Kasabay nito, nagsasabwatan ang ilang media at politikong Amerikano para walang tigil na ikalat ang poot sa ibang lahi at palalain ang dibisyon sa lipunang Amerikano.

Sa historikal na pananaw, ang Amerika ay isang bansa ng imigrasyon.

Mayroon itong mahabang kasaysayan sa pagbibigay ng patas na karapatan sa mga mandarayuhan at minoriyang lahi.

Pero sa kasalukuyan, dahil sa panlilinlang ng ilang politikong Amerikano, maraming mamamayan ngayon sa Amerika ang nagtuturing sa mga Asyano bilang tagapagkalat ng corona virus.

Dahil dito, tinatamaan ngayon ng napakaraming problema ang mga Amerikanong may lahing Asyano, Amerikanong may lahing Aprikano, at mga Latino-Amerikano.

Kinakaharap din nila ang grabeng hamon sa buhay at kalusugan.

At dahil sa napakabilis na pagtaas ang unemployment rate, at malubhang naaapektuhan ang kanilang kalagayang ekonomiko, lalung lalo na, ang mga may lahing Asyano at Aprikano.

Ayon sa isang public opinion poll na isinagawa sa buong Amerika noong nagdaang Abril, makaraang sumiklab ang pandemiya, ipinalalagay ng halos 60% ng mga Asian-Americans, ang banta o ligalig ay nakatuon sa kanila.

Sa kalagayan ng pandemiya, ang mga di-makatarungang pakikitungo sa mga Amerikanong may lahing Asyano ay direktang nakakasira at humahadlang sa pagpigil at pagkontrol ng Amerika sa pandemiya.

Sa katagalan, ang isinasagawang panlilinlang at rasismo ng ilang politikong Amerikano ay tiyak na makakapinsala sa kapakanang pang-estado at pag-unlad ng kabuhayan at lipunan ng Amerika.

Walang kinikilalang lahi at estado ang pandemiya.

Para mapagtagumpayan ang virus, ang tanging paraan ay pagkakaisa at pagkakaroon ng patas na pakikitungo sa isa't-isa.

Ang rasismong ipinakakalat ng White House at Capitol Hill ay nakakapagpasidhi sa kontradiksyon at nakakapagpalala sa paghihiwalay ng lipunang Amerikano.

Itinutulak din ng mga ito ang mga mamamayang Amerikano upang mapoot sa kapuwa at magkagulo.

Salin: Lito

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>