Inilabas ngayong araw, Huwebes, ika-11 ng Hunyo, ng China Society for Human Rights Studies ang artikulong may pamagat na "Ang Krisis sa Karapatang Pantao sa Amerika ay Nabunyag Dahil sa Pandemiya ng COVID-19."
Ayon sa artikulo, umabot na sa 2 milyon ang bilang ng mga kumpirmadong kaso ng COVID-19 sa Amerika, at mahigit 110 libo naman ang mga nasawi.
Anang artikulo, ugatan ng trahedyang ito ang kasakiman at maikling paningin ng pamahalaang Amerikano, mababang episiyensiya, at kawalang responsibilidad nito sa pagharap sa pandemiya.
Dagdag ng artikulo, ibinubunyag sa pandemiya ang mga problemang matagal nang umiiral sa Amerika at lumalala pa ngayon, na gaya ng pagkakawatak-watak ng lipunan, napakalaking agwat sa pagitan ng mayayaman at mahihirap, diskriminasyong panlahi, kakulangan sa pangangalaga sa mga karapatan at kapakanan ng mga mamamayan sa mababang klase ng lipunan, at iba pa.
Tinukoy din ng artikulo, na pinagwalang-bahala ng pamahalaang Amerikano ang mga babala at mungkahi tungkol sa pandemiya; binigyan ng mas maraming pagpapahalaga ang pansariling kita, sa halip na mga mamamayan; at isinasapulitika ang mga suliraning may kinalaman sa pandemiya.
Salin: Liu Kai
