CMG Komentaryo: Mike Pompeo, puspusang pinalalaganap ang "diplomasya ng panunuba"

Pinuntiryang muli kamakilan ni Mike Pompeo, Kalihim ng Estado ng Amerika, ang Tsina, at sinabing isinagawa nito ang pekeng propaganda, gamit ang pagpatay sa African-American na si George Floyd.

Ang pagpatay kay Floyd ay nagbubunyag sa sistematikong pagtatanging panlahi sa lipunan ng Amerika, at nakatawag ng galit ng buong mundo. Sunud-sunod na inilabas ng mga personaheng kinabibilangan ng mga mataas na opisyal ng United Nations (UN) at apat na dating pangulo ng Amerika ang mga pahayag bilang kondemnasyon sa pangyayaring ito. Ginaganap din sa maraming lugar ng daigdig ang protesta sa trahedya ng rasismo ng Amerika.

Ang katarungan ay nag-uugat sa puso ng mga tao, at naging malinaw kung sino ang tama at sino ang mali, kaya di-kailangan ang paglulunsad ng anumang propaganda.

Sa kasalukuyan, lampas na sa 2 milyon ang bilang ng mga naitalang kumpirmadong kaso ng Coronavirus Disease 2019 (COVID-19) sa Amerika, at magulung-magulo ang loob ng bansa dahil sa walang tigil na demonstrasyong humihingi na katarungan sa pagpatay kay Floyd.

Pero nagbubulag-bulagan si Pompeo sa kaguluhan sa loob ng bansa, at sa halip, patuloy niyang ibinabaling ang sisi sa ibang panig.

Higit sa lahat, gusto niyang gawing oportunidad ang pagpatay kay Floyd para batikusin at siraan ang Tsina.

Ito ay ginagawa ni Pompeo para mawala ang galit ng mga mamamayang Amerikano sa mga politikong kaalyado niya.

Sa mula't mula pa'y iginigiit ng Tsina ang simulaing ng hindi pakikialam sa mga suliraning panloob ng ibang bansa, at di-intersado ang Tsina sa pakiki-alam sa mga suliraning panloob ng Amerika.

Ang pagbatikos at galit ng lipunang Tsino sa trahedyang dulot ng pagtatanging panlahi ng Amerika ay nakabatay sa paniniwala ng sangkatauhan.

Ang katotohanan ang nagpapatunay, na ang pagluluto ng pekeng impormasyon at panlilinlang ay katangian ng "diplomasya ng panunuba" na pinapalaganap ng mga politikong tulad ni Pompeo.

Walang kakayahan ang ganitong mga politiko sa pangangasiwa sa mga suliraning panloob, pero bihasa sila sa pagpasa ng pananagutan sa ibang panig at pagluluto ng mga kasinungalingan, kontradiksyon at krisis.

Sapul nang manungkulan bilang kalihim ng estado ng Amerika, puro kasinungalingan ang ginagawa ni Pompeo.

Ang reputasyon at propesyonalidad ng diplomasya ng Amerika ay ganap na nawasak dahil sa kanya.

Ang "diplomasya ng panunuba" na puspusang pinapalaganap ni Pompeo ay tiyak na magsisilbing pinaka-kahiya-hiyang kabanata sa kasaysayan ng diplomasya ng Estado Unidos.

Salin: Vera