|
||||||||
|
||
Linggo, Hunyo 14, 2020 - Sinabi ng Munisipal na Komisyong Pangkalusugan ng Beijing, na naitala noong nakaraang araw sa lunsod ang 36 na bagong kumpirmadong kaso ng COVID-19, na dulot ng lokal na pagkalat ng virus.
Ayon sa komisyong ito, ang lahat ng naturang mga kaso ay mga tindero, manggagawa, o mamimili, sa isang malaking palengke ng pamamakyaw ng karne, gulay, at prutas, sa katimugan ng Beijing.
Sa kasalukuyan, pansamantalang sinarado ang nabanggit na palengke, para sa pagdidisinpekta at pagsusuri.
Isinasailalim din sa closed-off management ang mga purok-panirahan sa paligid.
Isinasagawa rin ang nucleic acid test sa mga taong may kaugnayan sa palengkeng ito at mga nakapaligid na residente.
Ayon pa rin sa tagapagsalita ng pamahalaang munisipal ng Beijing, pagkaraang matuklasan ang mga bagong kaso, pinahihigpit ang mga hakbangin ng pagpigil at pagkontrol, na kinabibilangan ng paghahanap ng mga close contact, pagpapalawak ng saklaw ng nucleic acid test, at iba pa.
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |