|
||||||||
|
||
Biyernes, Hunyo 26, 2020 ay ika-33 International Day Against Drug Abuse and Illicit Trafficking.
Ayon sa National Immigration Administration ng Tsina, mula Enero hanggang Mayo ng 2020, natuklasan ng mga departamento ng administrasyon sa imigrasyon ng buong bansa ang 829 na kasong may kinalaman sa ilegal na droga, at nasabat ang 4,792 kilogram na droga.
Sa isa pang may kinalamang ulat, pormal na sinimulan nitong Martes, Hunyo 23 ang ika-94 na magkakasanib na pamamatrolya at pagpapatupad ng batas ng Tsina, Laos, Myanmar at Thailand sa Mekong River.
Sapul nang simulan ang ganitong magkakasanib na pamamatrolya at pagpapatupad ng batas noong 2011, magkakasamang natunton ng nasabing apat na panig ang 7 kasong may kinalaman sa droga, nasabat ang halos 4,600 kilogram na droga, at nadakip ang 9 na suspek, bagay na mabisang nagbigay-dagok sa krimen ng ilegal na droga sa kahabaan ng Mekong River.
Bukod dito, mga aktibidad ng pagbabawal sa ilegal na droga sa magkakaibang porma ang isinagawa sa iba't ibang lugar ng bansa, upang maitaas ang kamalayan ng mga mamamayan sa pagkilala, pagpigil, pagtanggi at pagbabawal sa ilegal na droga.
Salin: Vera
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |