Inilabas nitong Martes, Hunyo 30, 2020 ng Tagapagsalita ng pirmihang delegasyon ng Tsina sa United Nations (UN) ang pahayag bilang pagkondena sa maling pananalita tungkol sa Tsina ng pirmihang kinatawan ng Amerika sa UN.
Anang pahayag, ayon sa pirmihang kinatawan ng Amerika sa UN nitong Martes, nagbitaw ito ng salita hinggil sa kalagayan ng karapatang pantao ng Tsina, at nakikialam sa mga suliraning panloob ng Tsina. Nagpahayag ang panig Tsino ng mariing kawalang-kasiyahan at buong tatag na pagtutol rito.
Diin ng pahayag, sa mula't mula pa'y iginigiit ng pamahalaang Tsino ang pagtahak sa landas ng pag-unlad ng karapatang pantao na may katangiang Tsino, at natamo ang kapansin-pansin bunga sa larangan ng karapatang pantao.
Anang pahayag, sa kasalukuyan, kailangang bigyang-pansin ng komunidad ng daigdig ang kalagayan ng karapatang pantao ng Amerika. Sa katatapos na pangkagipitang debatehan ng UN Human Rights Council, buong pagkakaisang pinagtibay ang resolusyon bilang mariing kondemnasyon sa aksyon ng pagkiling na panlahi na nagbunga ng pagkamatay ni George Floyd. Hinimok ng panig Tsino ang panig Amerikano na mataimtim na suriin ang sarili, at hayaan ang mga mamamayang Amerikano na huminga.
Dagdag ng pahayag, matibay ang determinasyon ng Tsina sa pangangalaga sa kapakanan ng bansa, pagtutol sa pakikialam ng puwersang dayuhan, at pagpapasulong at pangangalaga sa karapatang pantao. Imposibleng magtagumpay ang anumang tangkang isapulitika ang isyu ng karapatang pantao, at pagdungis sa Tsina sa katwiran ng karapatang pantao.
Salin: Vera
