|
||||||||
|
||
Ipinahayag, unang araw ng Hunyo 2020, ng Tagapagsalita ng Delegasyong Tsino sa Unyong Europeo (EU) na mali ang mga pananalita ng EU hinggil sa National Security Law ng Espesyal na Rehiyong Administratibo ng Hong Kong (HKSAR), at dapat agaran nitong itigil ang pakikialam sa mga suliranin ng Hong Kong.
Sa isang pahayag na ipinalabas kahapon, sinabi ng Mataas na Kinatawan ng EU sa Patakarang Panlabas at Polisiyang Panseguridad, na ang National Security Law ng Hong Kong ay posibleng makapinsala sa awtonomiya at pagsasariling panghustisya ng Hong Kong.
Hinimok nito ang Tsina na igarantiya ang umiiral na kalayaan at karapatan ng mga mamamayan ng Hong Kong.
Binigyan-diin ng tagapagsalita ng Delegasyong Tsino sa EU na ang "Isang Bansa, Dalawang Sistema" ay patakaran ng Tsina, at ang National Security Law ng Hong Kong ay naglalayong pabutihin ang patakarang ito.
Dagdag pa ng tagapagsalita, ipinalalagay din ng EU na ang kasaganaan at katatagan ng Hong Kong ay may mahigpit na relasyon sa patakarang "Isang Bansa Dalawang Sistema," kaya dapat suportahan ng EU ang ibang kinauukulang hakbangin ng Tsina hinggil dito.
Inulit ng tagapagsalita na ang Hong Kong ay espesyal na rehiyong administratibo ng Tsina, at ang mga suliranin ng Hong Kong ay suliraning panloob ng Tsina.
Dapat aniyang aktuwal na sundin ng EU ang pandaigdigang pambatas at pundamental na prinsipyo ng relasyong pandaigdig, at agarang itigil ang pakikialam sa mga suliranin ng Hong Kong at sa mga suliraning panloob ng Tsina.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |