Isinapubliko kamakailan ng website ng Kagawaran ng Tanggulang Bansa ng Amerika ang talumpati ng kalihim nitong si Mark Esper na nagsasabing ang Tsina at Rusya ay pangunahing kalabang estratehiko ng Amerika. Itinatag pa ng Amerika ang grupong nakapokus sa estratehiya ng Tsina.
Kaugnay nito, ipinahayag sa Beijing nitong Huwebes, Hulyo 9, 2020 ni Tagapagsalita Zhao Lijian ng Ministring Panlabas ng Tsina, na ang nasabing pahayag ng opisyal na Amerikano ay lipos ng Cold War mentality at ideya ng zero-sum game, at nanunulsol sa estratehikong kompetisyon ng malalaking bansa. Ito aniya ay sumasalungat sa pangunahing tunguhin ng kasalukuyang siglo, at may pundamental na kamalian.
Dagdag pa niya, hinihimok ng panig Tsino ang panig Amerikano na itakwil ang Cold War mentality at pagkiling sa ideolohiya para tumpak na pakitunguhan ang relasyong pandaigdig at relasyong Sino-Amerikano sa ika-21 siglo.
Salin: Lito