Tuluy-tuloy na tumataas ang bilang ng mga nahawahan ng Coronavirus Disease 2019 (COVID-19) sa Amerika, pero pormal na sinimulan ng pamahalaang Amerikano ang prosedyur ng pagkalas sa World Health Organization (WHO). Ang hakbang na ito ay mariing kinondena ng komunidad ng daigdig.
Ipinalalagay ng iba't ibang panig na ang WHO ay nagpapatingkad ng di-mababalewalang papel sa aspekto ng pagharap ng pandemiya ng COVID-19 sa buong mundo. Sa masusing panahon ng paglaban sa pandemiya, ang pagkalas ng Amerika sa WHO ay hindi lamang nakakapinsala sa sariling pagsisikap laban sa pandemiya, kundi malubhang nakakasira rin sa kooperasyong pandaigdig kontra pandemiya.
Sa kanyang social media account, sinabi ni Richard Horton, Punong Patnugot ng magasing "The Lancet," na ang nasabing kilos ng Amerika ay karahansan laban sa mga mamamayan ng buong mundo.
Ipinahayag naman nitong Huwebes, Hulyo 9, 2020 ni Tagapagsalita Maria Zakharova ng Ministring Panlabas ng Rusya na tinututulan ng kanyang bansa ang pagsasapulitika ng pandaigdigang kooperasyong pangkalusugan. Aniya, di-konstruktibo ang ganitong aksyon ng Amerika, at dapat patuloy na patingkarin ng WHO ang namumuno't koordinadong papel sa aspekto ng pandaigdigang kooperasyong pangkalusugan.
Magkakasunod ding nagpahayag ng kalungkutan o pagbatikos dito ang mga opisyal na gaya nina Ministrong Panlabas Ann Linde ng Sweden, Ministro ng Kalusugan ng Alemanya na si Jens Spahn, Ministro ng Kalusugan ng Italya na si Roberto Speranza at iba pa.
Ipinalalagay naman ni Pascal Boniface, Direktor ng Institute for International and Strategic Affairs ng Pransya, na ang madalas na pagkalas ng Amerika sa mga organisasyon at kombensyong pandaigdig at paggigiit sa unilateralismo ay nakakasira sa umiiral na sistemang pandaigdig.
Salin: Vera
