|
||||||||
|
||
Ayon sa China Earthquake Networks Center (CENC), niyanig ng lindol na may lakas na 5.1 sa richter scale, alas-6:38 ng umaga, Hulyo 12, 2020, ang distritong Guzhi, lunsod Tangshan ng probinsyang Hebei ng Tsina.
Ayon sa CENC, nitong limang taong nakalipas, 17 iba pang lindol na may lakas na magnitude 3, pataas ang naganap sa loob ng 200 kilometrong nakapaligid sa episentro ng kagaganap lamang na pagyanig.
Naramdaman din ang nasabing lindol sa Beijing at Tianjin.
Ayon pa sa ulat, isang aftershock ang nangyari 7:20 ng umaga nang araw ring iyon, at ito ay may lakas na 2.2 magnitude.
Tulad ng Pilipinas, madalas ding mangyari sa Tsina ang lindol.
Noong Mayo 12, 2008, naganap ang super lindol sa bayang Wenchuan, probinsyang Sichuan ng Tsina na ikinamatay ng mahigit 69 libong tao, ikinasugat ng mahigit 374 tao, at ikinawala ng halos 18 libong iba pa.
Lumampas sa 845 bilyong yuan RMB ang dulot na kapinsalaang pangkabuhayan ng naturang pagyanig.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |