Buong pagkakaisang sinang-ayunan ng mga Ministro ng Transportasyon ng Tsina at mga bansa ng Association of Southeast Asian Nations (ASEAN) na dapat palakasin ang kooperasyon para igarantiya ang maayos na operasyon ng sistema ng transportasyon ng Tsina at ASEAN, at pangalagaan ang katatagan ng supply chain ng buong daigdig.
Ipinasiya ito sa Espesyal na Online Meeting ng mga Ministro ng Transportasyon ng Tsina at mga bansang ASEAN sa paglaban sa pandemiya ng Coronavirus Disease 2019 (COVID-19) na idinaos Hulyo 16, 2020.
Sa kanyang keynote speech, ipinahayag ni Li Xiaopeng, Ministro ng Transportasyon ng Tsina na, walang pinipiling hanggahan ang pandemiya ng COVID-19. Ang pagkakaisa at pagtutulungan ay kinakailangang pagpili. Umaasa siyang patuloy na susuportahan ng iba't ibang panig ang ideya ng kooperasyon. Iminungkahi niya na palakasin ang pag-uugnay at koordinasyon ng mga departamento ng transportasyon ng Tsina at mga bansang ASEAN para hanapin ang bagong punto ng pagdaragdag sa kooperasyon.
Pinapurihan ng mga Ministrong Panlabas ng mga bansang ASEAN ang hakbangin ng Tsina sa paglaban sa COVID-19. Iminungkahi nila na dapat lalo pang palakasin ang kooperasyon para magbigay ng mas malaking ambag para sa pagpigil ng pandemiya at pag-unlad ng kabuhayan at lipunan sa rehiyong ito.
Sinang-ayunan sa pulong ang magkasanib na pahayag hinggil sa paglaban sa COVID-19 at pagpanumbalik ng pagpoprodyuse.
Salin:Sarah