Hinggil sa CRIHinggil sa Serbisyo Filipino
   

Tsina, buo ang kompiyansa sa kooperasyong pangkabuhaya't pangkalakalan sa Pilipinas sa kabila ng hamon ng pandemiya

(GMT+08:00) 2020-07-21 17:14:30       CRI
Ipinahayag kamakailan ni Huang Xilian, Embahador ng Tsina sa Pilipinas, na buo ang kompiyansa ng Tsina sa kooperasyong pangkabuhaya't pangkalakalan nito sa Pilipinas sa gitna ng pandemiya ng Corona Virus Disease 2019 (COVID-19).

Ipinahayag pa ni Huang, na maayos na nagbalik-trabaho ang lahat ng nakakontratang proyektong Sino-Pilipino at umabot na sa 80% ang buong production capacity.

Dagdag pa ni Huang, ayon sa estatistika ng panig Tsino, nitong nakalipas na 5 buwan ng taong ito, lumaki nang 82.5% ang direktang pamumuhunan ng Tsina sa Pilipinas.

Upang manatili ang momentum at mapasigla pa ang kalakalan at pamumuhunan ng dalawang bansa, pinag-uusapan ngayon ani Huang ng dalawang bansa ang pagtatatag ng "fast track" para sa pagdadalawan ng mga Tsino at Pilipino, at isang "green corridor" para sa daloy ng mga paninda.

Sinabi ni Huang na kinakaharap pa ng Tsina ang hamon ng COVID-19 na patuloy na kumakalat sa buong daigdig, pero, nagsisikap ang bansa para hanapin ang balanse sa pagitan ng pagkontrol ng epidemiya at pag-unlad ng ekonomiya, at makikita ang ilang magandang sinyales.

Halimbawa, noong ika-16 ng Hulyo, ayon sa datos na isinapubliko ng Pambansang Komisyon ng Estatistika, umabot sa 3.2% ang GDP ng Tsina nitong ika-2 kuwarter ng taong 2020 kumpara sa gayon din panahon ng tinalikdang taon na naging kauna-unahang pangunahing ekonomya na may paglaki ng kabuhayan sa gitna ng epidemiya. At tinatayang ibayo pang mapapanumbalik ang kabuhayang Tsino sa susunod na kalahating taon na maging puwersang magsusulong ng kabuhayan ng buong daigdig.

Ulat: Sissi
Pulido: Mac / Jade

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>