|
||||||||
|
||
Idinaos Hulyo 21, 2020 sa Beijing ang Ika-12 Pulong ng China-Vietnam Steering Committee for Bilateral Cooperation, na magkasamang pinanguluhan nina Ministrong Panlabas Wang Yi ng Tsina at Pham Binh Minh, Pangalawang Premyer at Ministrong Panlabas ng Biyetnam.
Ipinahayag ni Wang na nakontrol na ng Tsina at Biyetnam ang epidemiya ng Coronavirus Disease 2019 (COVID-19). Lumaki ng mahigit 18% ang kalakalan ng dalawang bansa na nagpakita ng malaking espasyo ng bilateral na kooperasyon ng dalawang panig.
Inulit ni Pham Binh Minh na priyoridad ng Biyetnam ang pagpapaunlad ng relasyon sa Tsina sa mga patakarang panlabas ng Biyetnam. Buo ang kaniyang kompiyansa sa pagpapabuti ng relasyon ng Tsina at Biyetnam.
Hinggil sa isyu ng South China Sea, ipinahayag ni Wang na walang pagbabago ang patakaran ng Tsina sa South China Sea. Dahil sa sariling geopolitical strategy, ginugulo ng Amerika ang South China Sea, sinisira ang pagkakaisa at kinabukasan ng pag-unlad ng mga kinauukulang bansa. Lulutasin ng Tsina at Biyetnam ang pagkakaiba sa pamamagitan ng bilateral na diyalogo, susundin ang Declaration on the Conduct of Parties in the South China Sea (DOC), pasusulungin ang pagsasanggunian ng Code of Conduct in the South China Sea, at hindi papayagang sirain ito ng puwersang dayuhan.
Ipinahayag ni Pham Binh Minh na nakahanda ang kanyang bansa na magsikap, kasama ng Tsina, para pasulungin ang kooperasyong pandagat at magkakasamang pag-unlad.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |