Inilabas kahapon, Sabado, ika-25 ng Hulyo 2020, ni Cai Wei, Consul General ng Tsina sa Houston, Amerika, ang bukas na liham tungkol sa pagpapasara ng pamahalaang Amerikano sa konsulada ng Tsina sa Houston.
Sinabi ni Cai, na ang konsulada ng Tsina sa Houston ay unang konsulada na itinalaga ng Tsina sa Amerika, pagkaraang maitatag ng dalawang bansa ang relasyong diplomatiko.
Aniya, nitong mahigit 40 taong nakalipas, laging nagsisikap ang konsulada para palalimin ang pag-uunawaan ng iba't ibang sirkulo ng Tsina at Amerika, at pasulungin ang pagpapalitan at pagtutulungan ng dalawang bansa.
Tinukoy ni Cai, na ang pagpapasara ng pamahalaang Amerikano sa konsulada ng Tsina sa Houston ay aksyong makasisira ng relasyong Sino-Amerikano.
Pero binigyang-diin niyang, sa kabila ng sinasadyang pagpapalala ng tension ng ilang politikong Amerikano sa pagitan ng Amerika at Tsina, hindi mapuputol ang pagkakaibigan ng mga mamamayan ng dalawang bansa, at hindi mahahadlangan ang mainam na tunguhin ng mapagkaibigang pagtutulungan ng Tsina at Amerika.
Salin: Liu Kai
