|
||||||||
|
||
Hinimok ng Tsina ang Unyong Europeo (EU) na igalang ang paninindigan at aksyon ng Tsina sa pangangalaga sa seguridad ng bansa sa Espesyal na Rehiyong Administratibo ng Hong Kong (HKSAR), at agarang itigil ang anumang pakikialam sa mga suliranin ng Hong Kong at mga suliraning panloob ng Tsina.
Ipinahayag ito Hulyo, 29, sa regular na preskon, ni Wang Wenbin, Tagapagsalita ng Ministring Panlabas ng Tsina.
Ayon sa ulat, ipinalabas kamakailan ng EU ang isang serye ng hakbanging nakatuon sa National Security Legislation ng Hong Kong, na kinabibilangan ng limitasyon ng pagluluwas ng mga sensitibong pasilidad na pangteknolohiya sa Hong Kong.
Binigyan-diin ni Wang na layon ng pagtatakda at pagsasagawa ng National Security Law ng Hong Kong na pasakan ang mga butas pambatas na umiiral sa Hong Kong sa mahabang panahon sa aspekto ng pangangalaga sa seguridad ng bansa.
Dagdag pa ni Wang, ang nasabing batas ay kukumpleto rin sa sistemang pambatas ng rehiyon at magpapatatag sa patakarang "Isang Bansa, Dalawang Sistema."
Ito'y hindi lamang angkop sa Konstitusyon, pundamental na batas, makakabuti sa seguridad, kasaganaan at katatagan ng Hong Kong sa pangmatagalang panahon, kundi makakabuti rin sa pangangalaga sa makatwiran at lehitimong karapatan ng mga tauhan at negosyong dayuhan sa Hong Kong.
Salin:Sarah
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |