Sa pamamagitan ng video format, ginanap nitong Huwebes, Agosto 20, 2020 ang ika-18 pulong ng mekanismo ng konsultasyon at koordinasyon ng Tsina at India hinggil sa mga suliranin ng hanggahan.
Magkasamang nangulo sa pulong sina Hong Liang, Direktor ng Departamento ng mga Suliranin ng Hanggahan at Dagat ng Ministring Panlabas ng Tsina, at Naveen Srivastava, Joint Secretary for East Asia ng Ministring Panlabas ng India.
Kalahok dito ang mga kinatawan ng mga departamento ng diplomasya, tanggulang bansa at pandarayuhan ng dalawang bansa.
Sinang-ayunan ng kapuwa panig na mataimtim na ipapatupad ang mga komong palagay na narating ng mga ministrong panlabas at kinatawan sa isyu ng hanggahan ng dalawang bansa, patuloy na pananatilihin ang diyalogo't pag-uugnayan sa mga tsanel na militar at diplomatiko, pasusulungin ang ibayo pang pagpapahupa ng kalagayan sa hanggahan ng dalawang bansa, maayos na hahawakan ang mga natitirang problema, at magkasamang pangangalagaan ang kapayapaan at katahimikan ng purok-hanggahan.
Salin: Vera