Hinggil sa CRIHinggil sa Serbisyo Filipino
   

Pagbati, ipinadala ng pangulo at premyer ng Tsina sa pagkakahalal ni Yoshihide Suga bilang punong ministro ng Hapon

(GMT+08:00) 2020-09-17 11:47:51       CRI

Miyerkules, Setyembre 16, 2020, nagpadala ng mensahe si Pangulong Xi Jinping ng Tsina kay Yoshihide Suga, bilang pagbati sa kanyang pagkakahalal bilang punong ministro ng Hapon.

Tinukoy ni Xi na ang Tsina at Hapon ay kapuwa mga mahalagang bansa sa Asya at daigdig.

Aniya, ang pagpapaunlad ng pangmatagalang relasyong pangkaibigan at pangkooperasyon ng dalawang bansa ay hindi lamang angkop sa pundamental na kapakanan ng kanilang mga mamamayan, kundi nakakabuti rin sa kapayapaan, katatagan at kasaganaan ng Asya, maging ng buong mundo.

Diin niya, dapat sundin ng kapuwa panig ang iba't ibang simulaing tiniyak ng apat na dokumentong pulitikal ng dalawang bansa at apat na punto ng principled agreement, at aktibong pasulungin ang pagtatatag ng relasyong Sino-Hapones na angkop sa kahilingan ng bagong panahon.

Ito aniya ay para makapaghatid ng benepisyo sa dalawang bansa at kani-kanilang mga mamamayan, at gumawa ng positibong ambag sa pangangalaga sa kapayapaan ng daigdig at pagpapasulong sa komong kaunlaran.

Nang araw ring iyon, bumati rin si Premyer Li Keqiang ng Tsina sa pagkakahalal ni Suga.

Aniya, nakahanda ang panig Tsino, kasama ng panig Hapones, na palakasin ang mapagkaibigang pagpapalitan at pragmatikong kooperasyon ng dalawang bansa sa iba't ibang larangan, at magkasamang pasulungin ang mas malaking kaunlaran ng relasyong Sino-Hapones.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>