Sa kanyang paglahok kamakailan sa programang pinamagatang "Pakikipagdiyalogo kay Paulson" na pinanguluhan ni Hank Paulson, dating Kalihim ng Tesororya ng Amerika, ipinahayag ni Cui Tiankai, Embahador ng Tsina sa Amerika, na dahil sa mga pagkakaiba sa kasaysayan, tradisyong historikal, pulitika, sistemang pangkabuhayan, at iba pa, di maiiwasang umiral ang alitan sa pagitan ng Tsina at Amerika.
Ngunit, sinabi niya na mas malaki ang komong kapakanang Sino-Amerikano kumpara sa kanilang alitan. Kung may sapat na mithiing pulitikal ang dalawang panig, mas maraming benepisyo ang matatamo sa kooperasyong Sino-Amerikano.
Sinabi rin niya na nananatiling malinaw at walang pagbabago ang patakaran ng Tsina sa Amerika. Palagian aniyang umaasa ang Tsina na mapapaunlad ang konstruktibong relasyong pangkooperasyon sa panig Amerikano sa halip ng relasyon ng konprontasyon.
Diin pa niya, may komong responsibilidad ang Tsina at Amerika sa buong daigdig. Dapat nilang itaguyod ang kooperasyon, at magkasamang katigan at pasulungin ang pandaigdigang kooperasyon upang aktibong harapin ang lahat ng hamon.
Salin: Lito
