[Ernest] Tradisyonal na spring festival, nagbabago

Para sa mga mamamayang Tsino, ang Spring Festival sa lunar calendar ng Tsina ay pinakamahalagang kapistahan para sa family reunion. Sa panahon ng kapistahang ito, maraming makikitang paputok, mga bagay na kulay pula na tulad ng damit, couplets, paper-cuts at iba pa sa buong bansa.

Mayaman ang mga kinagisnang kaugalian sa kapistahang ito. Halimbawa, bago ang Spring Festival, ang mga tao ay nagdi-general cleaning. Tapos, sa hapunan naman, sa bisperas ng Spring Festival naman, iyong mga taga-hilaga ay kumakain ng dumplings at iyong mga taga-timog ay kumakain ng wonton at sweet dumplings. Naging kaugalian na rin ang pagsusuot ng bagong damit para sa kapistahan at sa araw mismo ng Spring Festival, ang mga bata ay gumigising ng maaga para bumati sa kanilang mga magulang at matatanda at para tumanggap ng ampao mula sa kanila. Bukod dito, may mga katutubong kaugalian din sa iba't ibang purok ng Tsina kaugnay ng Spring Festival na gaya ng pag-aalay ng mga taga-Henan para sa kanilang mga ninuno sa ika-3 araw ng Spring Festival season.

Kahit ang Spring Festival ay libu-libong taon nang ipinagdiriwang sa Tsina, nitong ilang taong nakalipas, may mga lumitaw na pagbabago sa paraan ng pagdiriwang nito.

Una, nagiging mas malusog ang paraan ng mga mamamayang Tsino sa pagpapalipas ng kapistahang ito. Mas pinipili ng mga tao na makilahok sa mga aktibidad na pangkultura na gaya ng panonood ng mga pelikula at palabas ng mga tradisyonal na sining ng bayan kaysa kumain na tulad ng nakagawian. Bukod dito, nagiging mas balanse rin ang pagkain sa festival season; dumarami nang dumarami ang mga prutas at gulay at lumiliit nang lumiliit ang bilang ng mga taong umiinom at kumakain nang sobra.

Ang pagbabagong ito ay nagsimula sa pagiging mas maganda ng pamumuhay ng mga mamamayang Tsino at pangangalaga nila sa sariling kalusugan. Ayon sa pagsariwa ng mga matatanda at maygulang, ang Spring Festival ay isa lamang sa iilang pagkakataon sa buong taon para kumain ng karne at magsuot ng bagong damit. Ang ganitong pananaw sa Spring Festival ay mahirap na maunawaan ng mga bata ngayon na isinilang pagkaraan ng pagsasagawa ng Tsina ng reporma at pagbubukas ng Tsina.

Kaya ang isa pang pagbabago sa spring festival ay hindi na kailangang magreserba ang mga mamamayang Tsino ng pagkain para sa kapistahan dahil nananatiling bukas ang mga supermarket sa festival season at makakabili ang mga tao ng anumang pagkaing gusto nila.

Para sa mga mamamayang Tsino, ang spring festival eve dinner, isa sa mga pinakamahalagang kaugalian sa Spring Festival, ay nagsisilbing pagkakataon para sa pagtitipun-tipon ng mga miyembro ng pamilya at pagbabahaginan ng kani-kanilang masayang karanasan noong isang taon. Gayuman, ang mga putahe sa hapunan ay nagpapahiwatig ng mga magagandang hangarin sa halip ng pagpupuno lamang ng tiyan.

Tulad ng alam ng lahat, malaki ang presyur sa transportasyon sa loob ng mga lunsod ng Tsina, lalo na sa mga malaking lunsod. Pero, nakikitang nagiging maayos at kombinyente ito sa panahon ng kapistahan. Una, umuuwi ang mga tao sa kanilang lupang tinubuan na gaya ng mga bayan at maliit na lunod. Ang ibang pangunahing dahilan ay parami nang paraming tao ang mas nagugustuhang sumakay ng mga pampublikong sasakyan, kaya nababawasan ang mga kotse sa kalye at mas kombinyente ang transportasyon.

Bukod dito, nagbabago nang malaki ang paraan at nilalaman ng pagpapalipas ng mga tao ng spring festival. Halimbawa, nagpupunta sila sa restawran para sa kanilang Spring Festival eve dinner, naglalakbay sa ibayong dagat at kung hindi man sila makauwi, nakikipag-ugnayan sila sa kanilang mga kamag-anak sa pamamagitan ng internet.

Sa katotohanan, ang nabanggit na pagbabago ay nagmula, pangunahin na, sa mabilis na pag-unlad ng kabuhayan ng Tsina at pagiging mas maganda ng pamumuhay ng mga mamamayang Tsino. Ito'y nangangahulugan na dumarami nang dumarami ang pagpili ng mga tao sa paraan ng pagpapalipas ng kapistahang ito.

Pero, ang di-magbabagong bagay ay ang tradisyonal na kaugalian ng mga mamamayang Tsino na makapiling ang buong pamiliya para magpalipas ng spring festival at idalangin ang mas maganda at masayang pamumuhay sa bagong taon.