Papalapit na ng Pasko, at bilang pagsalubong sa pagdating ni Santa Claus, umulan kamakailan ang mala-bulak na niyebe sa Beijing na parang kumot sa ibabaw ng buong lunsod. Bukod dito, nagyelo rin ang mga lawa. Sa panahong ito, makikitang gumagawa ng mga snowman ang mga tao, naglalaro rin sila ng batuhan ng snow, at skating sa lawa. Masaya ang mga tao kapag naglalaro ng mga ito, mukhang handa na sila para sa "White Christmas", di ba?
Masaya talaga ang mga tao sa buong mundo dahil sa Kapaskuhan. Kahit hindi piyesta opisyal ang Pasko dito sa Tsina, mayroon ding mga party o salu-salo bilang pagdiriwang sa nasabing pestibal. Salamat sa pagkalat ng website at TV sa buong Tsina, alam na ng halos lahat ng mga mamamayang Tsino ang mga dayuhang kultura at pestibal, at unti-unting tinatanggap ang mga ito.
Sa katotohanan, hindi lamang ang Pasko, ang ibang mga dayuhang pestibal na gaya ng Araw ng mga Puso, ay popular din dito sa Tsina. Mukhang ang Nasyong Tsino ay isang lahi na gustong ilipas ang iba't ibang mga pestibal.
Kaya nais ng mga mamamayang Tsino na ipaabot ang kanilang pagbati sa nasabing mga pestibal. Halimbawa, ang Pasko ay pagdiriwang ng kapanganakan ni Hesu Kristo at pagsasama-sama ng buong pamilya. Ang Araw ng mga Puso naman ay nagpapahiwatig ng masayang kinabukasan ng mga magkasintahan.
Bukod dito, kasunod ng pagbubukas ng Tsina sa labas, gusto ng mga tao na magkaroon ng bayad na bakasyon sa Pasko para makapag-tuor sa ibang bansa upang maramdaman ang kakaibang atmospera ng Kapaskuhan. Pero ang mas nakakaakit na lugar ay mga mainit na baybaying-dagat, dahil sa panahong ito, malamig ang maraming lugar ng Tsina, liban Hong Kong, Probinsyang Hainan at Guangdong.
Ang paraan ng mga tao sa pagdiriwang ng Pasko ay puno ng estilong Tsino. Halimbawa, walang turkey pero may hot pot, pinakapopular na pagkain sa taglamig sa Tsina. Walang Santa Claus pero nagbibigay naman ang mga regalo ng mga tao sa isa't isa. Ang mga salu-salong Pamasko dito sa Tsina ay palagiang idinaos sa pagitan ng mga matalik na kaibigan, sa halip na mga miyembro ng pamilya lamang.
Dahil dito, ang Pasko ay mas malaking nagustuhan ng mga mangangalakal na Tsino. Para sa kanila, isa itong pagkakataon upang i-promote ang kanilang mga produkto. Siguro ito ang nagkakaisang katangian sa Tsina at ibang mga bansa hinggil sa Pasko.
Papalapit na ng Pasko, at bilang pagsalubong sa pagdating ni Santa Claus, umulan kamakailan ang mala-bulak na niyebe sa Beijing na parang kumot sa ibabaw ng buong lunsod. Bukod dito, nagyelo rin ang mga lawa. Sa panahong ito, makikitang gumagawa ng mga snowman ang mga tao, naglalaro rin sila ng batuhan ng snow, at skating sa lawa. Masaya ang mga tao kapag naglalaro ng mga ito, mukhang handa na sila para sa "White Christmas", di ba?
