Hinggil sa CRIHinggil sa Serbisyo Filipino
   

[Ernest] Mga Tsino, ikinababahala ang mga isyung panloob

(GMT+08:00) 2013-07-15 14:55:28       CRI

Hinggil sa katatapos na ika-5 China-U.S. Strategic and Economic Dialogue sa Washington D.C., isang balita mula sa Sina Weibo o Chinese Twitter ang nakatawag ng pansin ng mga netizen. Ayon sa naturang balita, ipinangako ng panig Tsino na ibayo pang pabubutihin ang pamumuhay ng mga mamamayan bago ang taong 2015. Ito ay kinabibilangan ng pagdaragdag ng 2% pondong pinansiyal sa social security at employment, at paggarantiya sa kapakanan ng mga magsasaka na dulot ng added value ng mga bukirin.

Kahit walang aktuwal na pinagmulan ang nasabing balita, alinsunod sa mga narating bunga at kooperasyon ng Tsina at Amerika na gaya ng pagharap sa pagbabago ng klima ng buong daigdig, pagpawi ng kahirapan, sustenableng pag-unlad, malinis na enerhiya, pangangalaga sa kaligtasan ng kapaligirang ekolohikal at kalusugang pampubliko, at pagpapasulong ng pag-unlad ng agrikultura at industriya, masasabing posibleng isasapubliko ng Tsina ang mga hakbangin sa social security, employment, at mga isyung may kinalaman sa pagsasaka.

Nag-usap sina Pangulong Barack Obama ng Amerika at Wang Yang, Pangalawang Premyer Tsino at kinatawang Tsino na lumahok sa diyalogo

Walang duda, ikinararangal ng mga mamamayang Tsino ang mga natamong bunga ng bansang Tsina noong nakararaang mahigit 10 taon sa kabuhayan, siyensiya, at kultura. Pero kasabay nito, ikinababahala rin ng parami nang paraming karaniwang mamamayang Tsino ang mga isyung panlipunan na kinakaharap nila sa pang-araw-araw na pamumuhay na gaya ng pabahay, edukasyon, kalusugan, hanap-buhay at kapaligiran.

Ang naturang mga isyung panlipunan ay may kinalaman sa mga umiiral na kamalian sa mga patakaran ng pamahalaang Tsino noong mahabang panahon, na gaya ng pagpapahalaga lamang sa pag-unlad ng kabuhayan, pagpapabaya sa pangangalaga sa mga saligang karapatan ng mga mamamayan at kakulangan sa pangmatalagang pambansang plano.

Mga kinatawan ng Tsina at Amerika na lumahok sa diyalogo

Bilang dalawang pinakamalaking ekomoniya sa buong daigdig, ang naturang diyalogo ng Tsina at Amerika ay nagdudulot ng malaking epekto, hindi lamang sa mga isyung panloob ng isa't isa, kundi sa ibang mga bansa at rehiyon. Halimbawa ang relasyong militar at kooperasyon ng dalawang bansa sa isyung pandagat at panrehiyon ay may kinalaman din sa katatagan at kapayapaan ng rehiyong Asya-Pasipiko.

Sa ibang dako, ang Tsina ay isa pa lamang umuunlad na bansa, hindi sa pambansang kabuhayan at teknolohiya, pero sa pamumuhay ng mga mamamayang Tsino, sistemang pulitikal at kaayusang panlipunan. Kaya ang nabanggit na mga isyu na ikinababahala ng mga mamamayang Tsino ay nagpapakita rin ng paglaki ng kanilang kahilingan sa katarungan at pagkakapantay-pantay na panlipunan, at ideyang demokratiko.

Ito ang dahilan kung bakit nagbigay ang mga mamamayang Tsino ng mas maraming pansin sa epekto ng naturang diyalogo sa mga isyung panloob ng Tsina, sa halip na ibang mga natamong bunga. Ito rin ay nagdudulot ng mga hamon para sa mga gawain ng pamahalaang Tsino sa hinaharap.

Back to Ernest's Blog

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>