Hinggil sa CRIHinggil sa Serbisyo Filipino
   

Gabi ng Musika ika-47 2013

(GMT+08:00) 2013-12-09 15:12:34       CRI

November 24, 2013 (Sunday)

Magandang-magandang gabi at welcome sa Gabi ng Musika atbp.

Kumusta na? Okay lang ba kayo riyan? Sana walang problema, ha? At kung mayroon man, labanan ang problema. Huwag na huwag kayong magpapatalo sa problema. Kayang-kaya ninyo iyan.

Sa mga kaibigan sa Samar at Leyte, gusto naming ipaalam sa inyo na patuloy naming sinusubaybayan ang kaganapan diyan sa inyong kinaroroonan. Huwag na huwag ninyong iisipin na kayo ay amin nang nakalimutan. Hinahangad namin na malampasan kaagad ninyo ang krisis na inyong pinagdadaanan at makabalik kaagad sa normal ang inyong pamumuhay. Kasama kayo sa aming pagdarasal araw-araw.

Salamat kina Cindy ng Olongapo, Ruth ng Tianjin, Jolina ng Southern Leyte, Espie ng Manila at Ronnalyn ng Beijing. Natanggap na namin ang inyong text messages at babasahin ko ang mga ito maya-maya.

Kilala ba ninyo iyong sinasabi ni Super DJ Happy na aging diva na nagpaparamdam daw sa isang leading man na may berdeng dugo? Abangan ang Balitang Artista sa huling bahagi ng ating programa.

Tunghayan natin ang ilang piling mensahe.

Dictionary for Charity at Charity Bazaar, Matagumpay

Sabi ni Fritz ng Molino II, Bacoor, Cavite: "Binabati namin kayo sa matagumpay ninyong Dictionary for Charity at charity bazaar. Ito ay malaking tulong na materyal at moral sa mga biktima ng bagyo. Mapi-feel nila na kahit kayo ay nasa malayong lugar, nakahanda kayong dumamay sa kanila."

Mga Binagyo, Nagsisimula nang Magtayo ng Kanilang mga Bahay

Sabi naman ni Jenny ng Wack-Wack, San Juan, Metro Manila: "Talaga ngang resilient ang mga Pilipino. Pagkaraan ng bagyo, bumalik uli sila sa kani-kanilang lugar para itayo ang kanilang mga bahay. Sila-sila na rin ang nagtutulungan gamit ang mga materyal na nakuha nila sa paligid ang mga materyal na kaloob sa kanila ng charitable institutions."

Sabi naman ni Isko ng Lemery, Batangas: "Mukhang minamalas tayo ngayong taon, Kuya Ramon. Ang dami nating bagyo at may super bagyo pa. Sana huwag muna tayong daanan ng malakas na bagyo sa mga susunod na taon para totally maghilom ang sugat na dulot ng bagyong Yolanda."

Maraming-maraming salamat sa inyong mga mensahe.

WHEN WE WERE YOUNG
(NAN QUAN MAMA)

Narinig ninyo ang Nan Quan Mama sa kanilang awiting "When We Were Young," na lifted sa album na pangalan ng grupo ang ginamit na pamagat.

Kayo ay nakikinig sa himpilang China Radio International at sa programang Gabi ng Musika atbp. ng Serbisyo Filipino. Ito si Ramon Jr., ang inyong loving, ever loving DJ.

Tunghayan naman natin ang ilang SMS.

Sabi ni Cindy ng Olongapo City, Zambales: "Nakakatuwang malaman na aktibo kayo sa pangangalap ng pondo para sa mga biktima ng bagyong Yolanda. Umabot sa milyon ang bilang ng mga biktima kaya malaking-malaki rin ang pangangailangan."

Chinese Red Cross, Kahanga-hanga ang Serbisyo

Sabi naman ni Ruth ng Machang Road, Tianjin, China: "Kahanga-hanga naman ang Chinese Red Cross sa maagap na pagtugon nito sa hinihinging tulong ng Pilipinas. Dapat pasalamatan natin ang mga namumuno sa organization na ito."

Sabi naman ni Jolina ng Liloan, Southern Leyte: "Salamat sa inyong moral at spiritual support, Kuya Ramon. Nagsisimula na kaming magtayo ng mga bahay namin dito sa Liloan. Kailangan talaga rito ang lakas ng loob dahil lalong walang mangyayari kung mangingibabaw ang takot."

Sabi naman ni Espie ng Del Pan, Sta. Ana, Manila: "Ayokong manood ng weather forecast. Lagi nilang sinasabi na may papalapit na namang bagyo sa atin at maaring dumaan sa lugar na dinaanan ng bagyong Yolanda. Paanong makakapagsimula ng reconstruction ang mga mamamayan doon kung laging masama lagay ng panahon?"

Sabi naman ni Ronnalyn ng Shunyi, Beijing, China: "Sabihin mo lang, Kuya Ramon, kung kakailanganin mo tulong namin sa inyong fund-raising drive. Anytime, ever ready kaming tumulong sa inyo. It's our pleasure."

Maraming-maraming salamat sa inyong text messages.

EWAN
(IMAGO)

Iyan naman ang "Imago" sa sarili nilang version ng awiting "Ewan." Ang track na iyan ay hango sa collective album na may pamagat na "The Best of Apo Hiking Tribute."

Ngayon, alamin naman natin ang latest movie chika mula sa ating reporter sa Maynila. Super DJ Happy, pasok!

Salamat, Super DJ!

At diyan nagtatapos ang edition sa araw na ito ng programang Gabi ng Musika atbp.

Para sa inyong mga reaction na may kinalaman sa programang ito o sa alinman sa mga programa ng Serbisyo Filipino, ang aming website ay filipino.cri.cn; ang e-mail, filipino_section@yahoo.com; ang facebook, crifilipinoservice@gmail.com; at ang telephone number, (Buddy Smart) 0921 257 2397.

Itong muli si Ramon Jr. Maraming-maraming salamat sa inyong walang-sawang pakikinig. God bless.

Balik sa aking blog>>

May Kinalamang Balita
gnm
v Gabi ng Musika ika-46 2013 2013-11-29 15:06:31
v Gabi ng Musika ika-45 2013 2013-11-19 19:30:46
v Gabi ng Musika ika-44 2013 2013-11-13 15:20:30
v Gabi ng Musika ika-43 2013 2013-11-04 16:33:49
v Gabi ng Musika ika-42 2013 2013-10-30 16:56:47
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>