Hinggil sa CRIHinggil sa Serbisyo Filipino
   

Gabi ng Musika ika-8 2014

(GMT+08:00) 2014-03-12 11:10:42       CRI

February 23, 2014 (Sunday)

Magandang-magandang gabi. Ito ang inyong loving DJ para sa Gabi ng Musika atbp.

Quote for the day: "We love life not because we are used to living, but because we are used to loving."--Friedrich Nietzsche

Kumusta na? Okey lang ba kayo riyan? Sana walang problema, ha? At kung mayroon man, labanan ang problema. Huwag na huwag kayong magpapatalo sa problema. Kayang-kaya ninyong igupo iyan kung gugustuhin ninyo. Sabi nga ng mga makaranasang tao, kung may problema, may solusyon. Kaya, cool lang kayo. Cool, man, cool…

Bukod sa mga piling awitin, tampok din sa ating programa ngayong gabi ang mga SMS, e-mail at snail mail mula sa mga tagapakinig, at ang salin sa wikang Tsino ng mga pangalan ng mga paborito ninyong prutas. Kaya huwag ninyong iiwanan ang inyong lingkod at samahan ninyo siya sa susunod na tatlumpung minuto dito sa Gabi ng Musika atbp.

Tunghayan natin ang ilang piling mensahe.

Sabi ni Estela ng Kalayaan Avenue, Makati City: "Tama sabi ng ilan niyong tagapakinig. Matatagalan pa bago makabalik sa dating kalagayan ang Samar at Leyte, kaya dapat patuloy pa tayong magkaloob ng tulong sa kanila. Kung meron kayong mga fund raising drive, huwag niyo kaming kalilimutang timbrihan."

Climatic Change: Sino ang Dapat Sisihin?

Sabi naman ni Gemma Abad ng Cebu City, Philippines: "Kung mayroong dapat sisihin sa pagbabago ng klima, ito ay iyong mga industrialized nations. Sila ang malakas magbuga ng usok na nakakasira sa protective screen ng atmosphere. Sila ang dapat unang kumilos para mapigilan ang paglala ng climatic condition."

Mga Lalaki, Dapat Ding Matutong Magluto

Sabi naman ni Techie Villareal ng West Coast Way, Singapore: "Naniniwala ako na ang pagluluto ay hindi lamang para sa mga babae. Maski mga lalaki ay dapat ding matutong magluto, lalo na iyong mga pamilyado. Dapat din silang maki-share sa mga gawaing-bahay, di ba?"

Maraming-maraming salamat sa inyong mga mensahe.

WHAT A DIFFERENCE A DAY MADE
(JAMIE CULLUM)

Narinig ninyo si Jamie Cullum sa awiting "What a Difference a Day Made," na lifted sa collective album na pinamagatang "Closer: When Pop Meets Jazz."

Kayo ay nakikinig sa himpilang China Radio International at sa programang Gabi ng Musika atbp. ng Serbisyo Filipino. Ito si Ramon Jr., ang inyong loving, ever loving DJ.

TEXT MESSAGES
(CIELO)

Bigyang-daan naman natin ang mga mensahe ng ating Texters.

Sabi ng +63 906 201 1704: "Gandang gabi, Kuya Ramon. Salamat sa pagbanggit mo sa pangalan ko sa iyong programa. Iyan ka, tunay na maalalahanin."

Sabi naman ng +63 919 564 9010: "Good morning to my loving DJ. Many, many thanks for playing my song. Crush na talaga kita sa ayaw at sa gusto…"

Sabi naman ng +49 179 240 9144: "Huwag pag-usapan ang gera sa radyo. Hindi ito magandang paksa. Iwaksi natin sa isip ang mga ito. Mas mabuti ang mga masasaya at magagandang paksa para mabawasan ang mga problema natin."

Sabi naman ng +86 134 261 27880: "I thank God for the blue sky, for the deep blue sea, for the green mountains and for the meadows. I thank Him for giving our loving DJ to us as our company."

Sabi naman ng +63 901 435 0941: "Hi, Kuya Ramon! Magandang Gabi ng Musika. Salamat sa pagbati at dedication mo. Na-touch ako. Ingat lang lagi. Huwag magkakasakit dahil bawal magkasakit."

Super salamat sa inyong mga mensaheng SMS…

MISS YOU SO MUCH
(ZHOU BICHANG)

Zhou Bichang sa awiting "Miss You So Much," na buhat sa collective album na pinamagatang "Super Girls' Voice."

Ngayon, dumako naman tayo sa bahaging pinananabikan ng marami, translation ng mga pangalan ng mga pangunahing prutas. Narito ang ating Chinese language teacher, ang walang kasing-ganda at walang kasing-yuming si Cielo.

TRANSLATION
(CIELO)

Good evening, friends! Ito si Cielo at gaya ng nasabi ko last week, mga pangalan ng paborito ninyong mga prutas ang ita-translate natin ngayong gabi.

Alam ba ninyo kung ano sa Chinese ang saging? Mansanas? Ubas? Milon? at pakwan?

Ang saging ay xiangjiao, x-i-a-n-g-j-i-a-o, xiangjiao.
Ang mansanas ay pingguo, p-i-n-g-g-u-o, pingguo.
Ang ubas ay putao, p-u-t-a-o, putao.
Ang milon ay migua, m-i-g-u-a, migua.
At ang pakwan ay xigua, x-i-g-u-a, xigua.

Uulitin ko.

Ang saging ay xiangjiao, xiangjiao.
Ang mansanas ay pingguo, pingguo.
Ang ubas ay putao, putao.
Ang milon ay migua, migua.
At ang pakwan ay xigua, xigua.

Sana matandaan ninyong lahat ang mga natutuhan ninyong salita ngayong gabi. Itong muli si Cielo.

Bye bye for now.

I WISH YOU LOVE
(NATALIE COLE)

Natalie Cole, sa kanyang awiting "I Wish You Love," na hango sa collective album na pinamagatang "Closer: When Pop Meets Jazz."

Kung nakikinig si Ka Mulong, salamat doon sa home-made chicharon. Hayun, pinagpistahan na ng mga kasama ko rito. Inulam nila sa kanin. Ang sarap naman talaga. Thank you uli at thank you rin sa uulitin, hehe…

Salamat din kay Connie ng Baclaran sa napakagandang native na pabitin sa pintuan. Maraming nagkagusto pero sabi ko iyan ay regalo sa akin. Wala nang kapatid iyan.

At diyan sa puntong iyan nagtatapos ang edition sa araw na ito ng Gabi ng Musika atbp.

Para sa inyong mga reaction na may kinalaman sa programang ito o sa alinman sa mga programa ng Serbisyo Filipino, ang aming website ay filipino.cri.cn; ang e- mail, filipino_section@yahoo.com; ang facebook, crifilipinoservice@gmail.com; at ang telephone number, (Smart Buddy) 0921 257 2397.

Itong muli si Ramon Jr. Maraming-maraming salamat sa inyong walang-sawang pakikinig. God bless.

Balik sa aking blog>>

May Kinalamang Balita
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>