Mystical Glamour of Tulou

Vera：Joshua，narinig mo na ba ang hinggil sa tulou, kung saan lupa ang ginamit sa pagtatayo ng bahay?

Joshua：lupa ang ginamit sa pagtayo ng bahay? Hindi pa e. Pwede ba yun? kung mayroon man sigurado hindi ito matibay.

Vera：Diyan ka nagkakamali. Ang tulou na aking sinasabi ay hindi lamang matibay, maaari pa itong tirhan ng ilang daang tao.

Joshua：Hindi nga, may ganito ba talagang klaseng gusali?

Vera: Oo, meron nga! Ayaw mo pang maniwala, e.

Joshua: Saan naman ito? Dali, dalhin mo na kami du'n. Hindi na kami makapaghintay ng mga tagapakinig para malaman ang hinggil dito sa sinasabi mong ito.

Vera：Tara! Handa na ba kayo? Pupunta tayo ngayon sa Lalawigan ng Fujian na nasa Silangang-timog na bahagi ng Tsina upang makita ang "mahiwagang tulou".

Ang Tulou o Earthen Building ay isang espesyal na panirahanan sa bulubundukin sa timog silangan ng Fujian. May mahigit 20 libong Tulou sa lakolidad at ang karamihan sa mga ito ay naitayo sa loob ng ika-12 hanggang ika-20 siglo. Ang Tulou ay 3 hanggang 5 palapag na gusali na may hugis parihaba o singsing at matibay na pader sa labas. Hinihiwalay ng inner earth wall at kahoy, may mga 100 silid ang maliliit na Tulou at ang bilang naman ng mga malaki ay nakakaabot sa 4 hanggang 5 daan. Sa loob ng Tulou ay mga maliit na arkitektura na gaya ng bulwagan, kamalig, balon at iba pa o bakanteng courtyard lang. Sa karaniwan, isa lang ang pasukan ng Tulou na may pintong pinalakas ng asero. Ang pinaka-espesyal ng Tulou ay ang panlabas na pader nito. Ito ay nabuo sa pamamagitan ng pinagsama-samang lupa, na hinaluan ng sticky rice, bato, kawayan, kahoy at iba pang mga madaling makalap na materyal, upang ibuo ang pader hanggang sa kapal 1.8 metro. Para rin sa katiwasayan, walang bintana sa labas ang una at ika-2 palapag at ang mga silid dito ay kamalig, kusina, lugar para sa mga alagang hayop at iba pa. May bintana sa ika-3 palapag pataas at ito ay para sa mga tao. Dahil sa naturang mga nagamit na buliding material at estruktura, ang Tulou ay naging isang maliwanag, maaliwalas, windproof at earthquake proof na gusali na parang kastilyo at mainit sa tag-lamig at presko sa tag-init.

Joshua：Aba, talaga naman palang napaka-magical ng tulou na ito, e!

Vera：Sabi ko sayo e. Bilib ka na ngayon? Para sa iyong kaalaman, ang pinakapamoso sa mga tulou na ito ay ang Cheng Qi Lou, na tinaguriang Hari ng mga tulou. It is a massive rotonda tulou,

Joshua: Teka lang. Ang lalim, ah. Ano iyung rotonda?

Vrea: Ang rotonda ay hugis bilog na gusali na kung saan ang bubong ay pabilog din na kung tawagin ay dome. Gets?

Joshua: Gets. Continue. Haha

Vera: Ito ay isang malaking rotonda na tulou na may apat na konsentrikong singsing na pumapalibot sa isang sinaunang ancestral hall na nasa gitna ng gusali. Ang outer ring ay may diameter na 62.6 meters na may apat na palapag ang taas.

Joshua: Ganun kataas? Siguro marami ring kuwarto dun.

Vera: Very good! Sa loob nito ay may 400 kuwarto, at sa kasalukuyan ay may nakatira pa ngang mahigit 300 na tao.

Joshua：Para nga palang isang maliit na village ito. May tanong ako, Vera. Sino nga pala ang nag-imbento ng tulou? Alangan namang biglang naisip lang ng mga tao dun na ganito ang gawin.

Vera：Sabi nila ang mga Hakka ang nagimbento nito.

Joshua：Hakka? Ito ba ay isa sa mga minority group ng Tsina?

Vera：Hindi, ah. Sila ay mga Han Chinese din tulad namin, mayoryang grupo sa Tsina.

Joshua: eh, ano sila?

Vera: Noong sinaunang panahon, nag-migrate sila mula sa gitnang bahagi ng Tsina papuntang Fujian. Tinawag silang mga Hakka ng mga katutubo doon na ang literal na kahulugan ay "guest families/ people".

Joshua：A, ganun pala. Eh bakit naman daw nila naisip magtayo ng tulou?

Vera：Kasi pagdating nila doon, hindi sila masyadong pamilyar sa paligid ng lugar, medyo takot sila kaya't nagtayo sila ng ganitong klaseng gusali na kung saan maaaring tirhan ng madaming tao at upang protektahan ang sarili laban sa mga pang-aatake ng mga bandido at mga mababangis na hayop.

Joshua：Aaaah, ganun pala ang simula nun… Meron pa akong isang tanung.:)

Vera：Ano yun?

Joshua：Naiisip ko lang a. sa pinakitang katalinuhan ng mga Hakka sa pagtatayo ng tulou, malamang na magagaling din sila o maparaan pagdating sa pagluluto? Hindi ba? Hehehe…

Vera：Hay, hanggang ngayon pagkain pa din ang nasa isip mo. Hahaha

Joshua: Nagtatanong lang naman.

Vera: Pero sa totoo lang, you have a point. Ang mga putaheng Hakka ay sikat na sikat sa katimugang bahagi ng Tsina, at ang isa sa mga ito ay ang Poon Choi o Big Bowl Feast. Narito't pakinggan natin kung ano nga ba ang putaheng ito.

Ang Poon Choi o Big Bowl Feast ay isa sa mga pinaka-tradisyonal na putahe ng Hakka Cuisine. Ito ay pinaghalung maraming sangkap na gaya ng karne ng baboy, baka, tupa, manok, pato, abalone, ginseng, shark fin, fish maw, prawn, crab, dried mushroom, fishballs, squid, dried eel, dried shrimp, pigskin, beancurd at Chinese radish. Ang mga sangkap, kasama ng mga pampalasa, ay inilagay nang patong-patong sa porcelain o metal basin batay sa iba't ibang uri ng mga ito. Halimbawa, ang pigskin, beancurd at radish ay sa pinaka-ibaba at ang karne ng manok at prawn ay sa pinaka-itaas. Dapat ilaga sa mahabang panahon ang putaheng ito. Pagkaraang isilbi, ito ay kinain nang patong-patong sa halip ng paghahalo ng lahat.

Joshua：Sarap naman…. Poon Choi, sounds really good. haha

Vera：Masarap talaga, pero reminder lang, hindi ito kayang ubusin ng isang tao lang.

Joshua：sympre, sa dami at laki ba naman nun baka hindi lang isa kundi dalawang araw ang kakailanganin para maubos ito. Pero kung gutom at matakaw ka talaga… sa tingin ko, in just one sitting, kaya na yun, hahaha.

Vera：Mayroon pa akong isang maaaring i-recommend sayo, Joshua, in case lang na may mga kaibigan kang isasama sa Fujian upang bisitahin ang tulou.

Joshua：Ano iyun?

Vera：Sa Fujian mayroon din silang espesyal na performance na maaari niyong panoorin. Heto't pakinggan natin kung ano ang espesyal na palabas na ito.

Upang isalaysay ang Tulou sa mas maraming tao at mapalaganap ang kulturang Hakka, noong 2009, isinulat ng artistang taga-Fujian ang "Mystical Glamour of Tulou", primitive song & dance medley na nagdidispley ng kultura ng Hakka folk song at kaugalian ng Tulou. Batay sa estilo ng pamumuhay ng mga nakatira sa Tulou at kaugaliang panlahi, ipinakikita ng "Mystical Glamour of Tulou" ang kasaysayan ng pagtatatag ng mga ninuno ng Hakka ng Tulou at napakahirap na karanasang pangkaunlaran nila.

Ayon sa salaysay ni Ginoong Lai Yongsheng, pangkalahatang direktor ng naturang palabas na tumatagal nang mahigit 80 minuto ang medley at idinidispley ang maluningning na kasaysayan ng Hakka sa pamamagitan ng makukulay na pormang pansining na gaya ng symphony.

"Inilalarawan ng 'Mystical Glamour of Tulou' ang tagpo ng pamumuhay at pagtatrabaho ng mga Hakka. Maririnig din ninyo ang Hakka folk song. Katangi-tangi ang ganitong folk song at mararamdaman ninyo ang atmospera ng Hakka."

Joshua: Hayun, pagkatapos mapanood ang nasabing performance siguradong mas malalaman pa natin ang kultura ng mga Hakka at ang katangian ng pamumuhay nila.

Vera：Tama. At sa kasalukuyan, ang perfomance na ito ay itinatanghal sa Grand National Theater sa Beijing.

Joshua：This is really a treat para sa mga kaibigan natin dito sa Beijing. Pwede na muna nilang panoorin ito at kung may panahon na makapunta sa Fujian, makikita nila kung paano talaga namumuhay ang mga Hakka.

Vera：Nagtapos nanaman ang ating programa ngayong gabi. Magpaalam na tayo, Joshua, sa ating mga tagapakinig.

Joshua: Maraming salamat sa mga sumusubaybay sa aming porgrama.

Kung may mga suhestiyon kayo o feedback hinggil sa aming programa

Vera: Pumunta lang sa aming website na Filipino.cri.cn at huwag magatubiling mag-iwan ng mensahe sa message board o magsulat sa filipino_section@yahoo.com

Joshua: Muli tayong magkita-kita sa sususnod na Lunes dito lang sa

Vera/ Joshua: "Sa Pali-paligid ng Tsina"