Taimu Mountain sa Fuding City ng Lalawigang Fujian

Joshua: Nakakatuwa naman at nagkaroon ka ng panahon upang isasama ulit kami sa iyong paglalakbay sa pali-paligid ng Tsina.

Vera: Ikinagagalak kong isama kayo sa aking paglalakbay. Nais ko lang naman na sa aking pagpapakilala sa bawat lugar, lalo niyong ma-appreciate ang kagandahan ng Tsina.

Joshua: Salamat Vera sa iyong wala pagod na pagserbisyo sa amin. Haha ngayong gabi saan naman ang punta natin?

Vera: dadalhin ko kayo ngayon sa timog-kanlurang bahagi ng syudad ng porbinsyang Fujian, ang syudad ng Fuding.

Joshua: Nakapunta na ako ng Fujian pero hindi ko maalala itong syudad ng Fuding. Anu ba mayroon sa syudad na ito?

Vera: Ang Fuding ay isang lunsod-baybayin. Hindi ito kalakihan pero naririto ang isa sa pinaka-kilalalang tourist spot sa Tsina.

Joshua: At ano naman ang tourist spot na ito? Heto't pakinggan natin ang pagpapakilala ng kaibigan natin na si Frank.

Ang Fuding ay isang lunsod ng Lalawigang Fujian at ito ay 299 na kilometro sa hilaga ng Fuzhou, punong lunsod ng lalawigang ito. Ang Fuding ay baybaying-lunsod at sa gawing timog silangan nito ay East China Sea. Bagama't maliit ang saklaw ng lupa ng Fuding, malawak ang rehiyong pandagat nito na mas malaki ng 10 beses kaysa saklaw ng lupa at marami ring mga isla sa karagatan.

May isang bantog na lugar na panturista sa Fuding at ito ay ang Taimu Mountain. Ang bundok na ito ay 45 kilometro sa timog ng kalunsuran ng Fuding at napapaligiran ng dagat sa tatlong gilid. Ang mga may kakaibang hugis na malaking bato, nagdadamihang kuweba, mga ilog at talon at mga taluktok na nababalutan ng makakapal na ulap ay nagsisilbing mga pangunahing tanawin ng bundok. Dahil sa mga magagandang tanawing ito at posisyong heograpikal, ang Taimu Mountain ay tinaguriang "Paraiso sa dagat".

Vera: Iyan ang sinasabi kong tourist spot--ang Taimu Mountain, at ngayong gabi dadalhin ko kayo sa mga kuweba dito sa loob ng Taimu Mountain na talaga namang ikalilibang ninyong lahat.

Joshua: Anu bang kakaiba sa kwebang ito? Hindi ba't pare-parehas lang naman iyung mga kweba? Iba nalang kaya. Haha

Vera: Anu ka ba? Kakaiba ito. Haha. May higit 100 kweba sa Taimu Mountain, at ang labasan ng ilan sa mga ito ay dun mismo sa baybaying dagat. Dito mapagmamasdan mo ang malalaking alon ng karagatan. Ang iba naman ay nagsisilbing daanan upang maabot ang ituktok ng bundok. Dito nama'y maari kang maupo at abangan ang pagsikat ng araw.

Joshua: Talagang hindi ngang pangkaraniwan na sa loob ng kweba mapagmamasadan ang karagatan at sunrise.

Vera: Hindi lang yan. Mayroon ding ilang malalaking kweba sa Taimu Mountain na sapat ang laki para magkasya ang mahigit isang libong tao at ang iba nama'y may maliliit na kuweba na nangunguna sa kanila para bumuo ng animo'y isang labyrinth.

Joshua: Gusto ko iyung mga labyryth sa kweba, kasi pwede ka magexplore ng mga bagay bagay. Kailangan lang mag-ingat…

Vera: Ingat lang, kasi madilin.

Joshua: Hindi, mag-ingat baka dahil sa kakaexplore hindi na ako makalabas. Haha.

Vera: Sasabihin ko nga sana, kung papasok ako sa ganyang klaseng kweba, magsasama ako ng tour guide, dahil kung hindi, maliligaw din ako. Hahaha.

Joshua: Still, pag-iingat pa din ang no. 1 sa pagpunta sa ganitong klaseng lugar.

Vera: Kahit saang lugar naman.

Joshua: Tama.

Vera: Matapos na libutin natin ang Taimu Mountain, ipapakilala ko naman sa inyo ang mga lokal na residente sa syudad ng Fuding.

Joshua: Ano namang kakaiba sa mga local na residente dito sa syudad ng Fuding?

Vera: Hindi iyung mga karaniwang residente ang ipapakilala ko sa inyo. Ang tinutukoy ko ay iyong She People.

Joshua: Hindi ba't isa sa mga minority group ang She People?

Vera: Tama. At upang lubusan nating makilala ang She People, (heto't) pakinggan natin ang pagpapaliwanag ni Frank.

Ang Etnikong She ay isa sa mga pambansang minorya ng Tsina at ang mga lugar sa timog silangang Tsina ay ang pangunahing purok-panirahan nila. Kabilang dito, halos 40 libong She ang naninirahan sa Fuding.

Maaring ituring ng mga bumibisita sa Fuding na kaakit-akit ang pagdalaw sa mga She villages. Maari ninyong makita ang mga babaeng She na nakasuot ng kanilang makukulay na katutubong kasuutan at abala sa trabaho. Maoobserbahan din ninyo ang mga may edad nang babae na gumagamit ng lumang istilong habihan sa paghahabi ng tela. Magaling ang Etnikong She sa paggawa ng alak-bigas. Katangi-tangi ang kanilang alak dahil nilagyan ng mga damo at bulaklak na galing sa bundok sa proseso ng ferment. Kaya, karapat-dapat na tikman ang ganitong alak sa panahon ng pagbisita sa mga She villages. Ang Etnikong She ay mahihilig ding kumanta at kumakanta sila habang nagtatrabaho, habang sumasalubong sa mga bisita at kung nagdaraos ng mga rituwal ng pag-aalay ng sakripisyo. Sa She villages sa Fuding, maari ring panoorin ng mga turista ng palabas ng pag-awit ng Etnikong She.

Joshua: Sa aking palagay kawili-wili talaga ang mga She People, at sigurado naaaliw din ang ating mga taga-subaybay sa kanila. Kung may pagkakataon lang akong makapunta sa syudad ng Fuding, siguradong pupuntahan ko ang She Village.

Vera: Teka lang Joshua, huwag mong sabihin na gagawa ka ng plano na hindi kasama ang paborito mong parte ng programa! Haha.

Joshua: Sympre hindi ko yan kakalimutan. Ako pa, hilig ko kumain e. Haha. Anu naman ang espesyal na pagkain dito sa syudad ng Fuding?

Vera: Isang hindi pangkaraniwang prutas na itinatanim dito ang kakainin natin ngayong gabi.

Joshua: Mahilig din ako sa prutas! Basta nakakain at masarap, gusto ko. Vera: Anong prutas ito? Ipapakilala ni kaibigang Frank sa atin kung ano ito.

Ang Siji You o Year-round Pomelo ay isang bantog na prutas sa Fuding. Ang "You" ay salitang Tsino para sa pomelo at ang "Siji" naman ay nangangahulugan ng "apat na seasons". Tinawag ito ng ganito dahil ang puno ng ganitong uri ng pomelo ay namumulaklak at namumunga sa lahat ng apat na seasons ng buong taon. Pero, ang pinakamasarap na bunga ay iyong mga nahinog sa unang dako ng winter, banding simula o kalagitnaan ng Nobyembre.

Malaki ang Year-round Pomelo, manipis ang balat at halos wala o kaunti lamang ang mga buto. Matamis ang laman ng prutas at malayo pa lang ay amoy na amoy na ang bango. Maraming bagay na nakakapagpalusog ang Year-round Pomelo, kabilang na ang iba't ibang uri ng vitamins. Ito ay hindi lamang isang uri ng prutas, kundi ginagamit din bilang gamot. Ayon sa Bencao Gangmu o Compendium of Materia Medica, isang kilalang-kilalang encyclopedia ng mga medisinang Tsino, napaparelaks ng Year-round Pomelo ang katawan ng tao, napapababa ang blood pressure, naibabalik ang gana at nakakatulong doon sa mga nasobrahan ng inom. Dahil dito, tinagurian ang pomelo na ito na "pambihira at lubhang mabuting prutas sa buong mundo".

Vera: Ano Joshua? Hindi ba't hindi pangkaraniwang pomelo ang makakain sa syudad ng Fuding?

Joshua: Extraordinary nga talaga, tska, mukhang masarap. Pero maliban sa prutas, Vera, ano iyung masasarap na pagkain dito na mairerecommend mo sa ating mga tagasubaybay?

Vera: Para sa mga nagnanais sa inyong dumayo dito, suggestion ko ay tikman niyo ang mga pagkain sa tabing-daan, tulad ng minced meat slice, beef meatball, dumpling at madami pang ibang masasarap na pagkain sa syudad ng Fuding.