RONALD YULO: Team work susi sa tagumpay ng 5-Star Hotel

Higit isang dekada ang karanasan sa hotel industry ni Ronald Yulo, Food and Beverage Director ng Marco Polo Parkside Beijing.

Gawin mo kahit di motrabaho,prinsipyo ni Ronald Yulo, F&B Director ng Marco Polo ParksideBeijing

Sa Davao nagsimula ang kanyang career habang patapos ang Dekada 90. Ang una niyang trabaho ay Coffee Shop Manager at siya ang naatasan magpatakbo ng café ng Marco Polo Davao.

Lumipas ang mga taon at dahan-dahan niyang inakyat ang career ladder sa sikat na 5-star hotel sa lunsod ng Davao. Dito nya lubos na natutunan ang ins and out kung baga ng hotel management. At huli ang huli nyang posisyong hinawakan ay bilang Assitant Food and Beverage Manager sa Marco Polo.

2013 nagbukas ang oportunidad para kay Ron. Inalok siya ng datin niyang General Manager na subukin mag-abroad at permanenteng hawakan ang isang management position.

Cafe Marco

Dito sa Beijing, binuksan niya ang bagong yugto sa kanyang kerera at sa kauna-unahang pagkakataon ay nagtrabaho siya sa Tsina.

Gamit ang ekspirensya mula sa Davao, kasalukuyan niyang ipinatutupad ang Pinoy- style Management sa kanyang pagpapalakad para gumanda ang operasyon ng Café Marco.

May mga gimik din sya para maakit ang mas maraming mga kliyente. Kasama rito ang Crab Promotion kung saan tampok ang tatlong uri ng alimango at alimasag. Iba't iba ang lutuing ihahain sa buffet na tatagal mula October 21 hanggang November 30, 2013.

Alimango na hain sa Cafe Marco

Hairy Crab

Hai Hong Crab

Orchard Crab

Good news, may 30% diskwento para sa mga Pinoy! Dalhin lang ang pasaporte at ipakita sa Café Marco para makuha ang mas mababang halaga sa lunch at dinner buffet.

Ibinahagi ni Ron ang kahalagahan ng teamwork sa isang restoran. Mahalaga ang pagkakaroon ng pagmamalasakit sa mga katrabaho at pagsalo kung sakaling nangangailangan ito ng tulong. Bukod dito, ipinakikita rin ni Ron ang konsepto ng "service with a smile."

Ang buong interbyu kay Ronald Yulo ay mapapakinggan sa tulong ng audio plug-in sa gawing itaas ng pahinang ito. Gumamit ng internet browser na may pinakabagong bersyon ng Flash Player. Ang player ay dapat lumabas sa ilalim ng pamagat ng episode na ito.