Si Gwendolyn Batoon, Head North Asia Marketing Promotions - Tourism Promotions Board
Ms. Jazmin Esguerra, Tourism Attache, habang ipinapakilala ang mga miyembro ng delegasyon ng Pilipinas sa 2014 Philippine Tourism Conference
Taon taon isinasagawa ng Department of Tourism – Embassy of the Philippines Beijing ang Philippine Tourism Conference. At ito'y proyektong pinangungunahan ng napakasipag na Tourism Attache na si Jazmin Esguerra. Nitong mga nagdaang taon, nagkaroon na ng mga campaigns ang mga lalawigan ng Bohol, Puerto Prinsesa at Davao.
Noong April 8 idinaos sa Beijing ang Philippine Tourism Conference tampok ang Boracay at iba pang island destinations sa Cebu, Palawan at Bohol. Ipinaliwanag ni Ambassador Erlinda F. Basilio na ang layunin ng aktibidad ay para maka-akit ng mas maraming Tsino na magbakasyon sa Pilipinas. Nanawagan din siya na sana'y ipakita ng mga Pilipino ang pinakamagandang asal sa mga panauhing dayuhan na dadalaw sa ating bansa.
Ang delegasyon ay pinangunahan ni Gwendolyn Batoon, Head North Asia Marketing Promotions ng Tourism Promotions Board.
Ayon kay Bb. Batoon pumapangalawa ang mga Tsino kasunod ng mga Hapon sa talaan ng bilang ng mga turistang dumadalaw sa Boracay. At kamakailan nagtala ng 60% na paglaki ang bilang na mga Chinese tourists kaya naman para sa 2014 patataasin ang target ng pamosong isla at hihikayatin ang 1 milyong turistang Tsino.
Sinabi rin niya na batay sa chart ng "in bound travel millionaires" ang mga sumusunod ang top 4 tourist groups na pumupunta sa Pilipinas : Amerikano, Koreano, Hapon at Tsino. At pagdating ng 2016 target ng DOT na paabutin sa 10 milyon ang tourist arrivals sa bansa.
Pakinggan po natin ang iba pang mga balak ng DOT para higit pang pasiglahin ang takbo ng turismo lalong lalo na sa isla ng Boracay sa episode ng ito ng Mga Pinoy sa Tsina.
