Hawak-Kamay: Pagdiriwang ng Ika-13 China-Philippines Friendship Day

Noong 2001 nagkasundo ang Tsina at Pilipinas at idineklara ang June 9 bilang Araw ng Pagkakaibigan. At dito sa Beijing isang pista ang idinaos ng Pasuguan ng Pilipinas para isulong ang pagkakaibigan ng mga Tsino at mga Pilipino. Tatlumpu't siyam 39 na taon na rin ang diplomatikong relasyon ng Tsina at Pilipinas. Bagamat sa kasalukuyan ay may gusot sa ugnayang diplomatiko ng dalawang bansa, hangad ng mga mamamayan ang isulong ang kapayaan. Kaya naman ang Serbisyo Filipino ay nakipagtulungan sa Pasuguan ng Pilipinas para ihatid ang "Hawak-Kamay" isang natatanging pista para sa mga kaibigang Tsino.

Naganap ito nitong Linggo ika-8 ng Hunyo at higit 150 bisita ang naki "Hawak-Kamay" at nakisaya sa pistang pinoy na ito. Nanguna sa pagdiriwang si Kgg. Ambassador Erlinda Basilio at dumalo rin sa Friendship Lunch and Concert si Counselor Bai Tian ng Asia Department, Ministry of Foreign Affairs.

Nakisaya ang mga kawani ng iba't ibang departamento ng China Radio International, guro at estudyante ng Peking University Philippine Studies Department at Beijing Sports University.

Sa okasyon tinugtog ni Liu Yang isang Masters student ng Musicology sa Central Conservatory of China ang Sarumbaggi. Si Ms. Liu ay estudyante ni Prof. Chen Ziming, Professor of Music at kasalukuyang Pangulo ng World Music Society of China.

Pabitin kuha ni Alex de Dios ng POP Beijing

Tug of War kuha ni Mako Borres ng POP Beijing

Pabitin larawan ni Mako Borres ng POPBeijing