Bago magsara ang 2014, isang delegasyon ng mga Pilipino ang dumalaw sa Beijing sa paanyaya ng Communist Party of China International Department. Sila ay binubuo ng mga media professionals, kinatawan ng mga pamantasan at kasapi ng mga think tank organizations sa Pilipinas. Sa loob ng dalawang linggo nagkararoon sila ng pagkakataon na makita ang ibat ibang lunsod sa dakong timog ng Tsina. Nagtapos ang kanilang byahe sa Beijing kung saan dumalo sila sa mga talakayan tungkol sa mga isyung may kinalaman sa relasyong Sino-Pilipino at patakaran hinggil sa ugnayang panlabas ng Tsina. Si Lucio Pitlo ang isa sa mga delegado. Mga kababayan para sa episode ngayong linggo ng Mga Pinoy sa Tsina ating alamin ang saloobin ni Ginoong Pitlo hinggil sa kanyang pag-aaral at paglalakbay dito sa Tsina.
Si Lucio Pitlo
Sa Changsha National Economic and Technical Development Zone na dinalaw din ng delegasyon upang makipagtalakayan hinggil sa programang pang-ekonomiko sa Hunan Province
Si Lucio Pitlo at si Ian Punongbayan sa Xiamen Planning Exhibition Hall kung saan makikita ang planong pang kaunlaran ng lunsod
Delegasyong Pilipino sa tanggapan ng CPC International Department sa Beijing kung saan nakipagtalakayan sila sa ilang mga opisyal
