Si Arlyne Marasigan ay kasalukuyang estudyante sa Beijing Normal University. Siya ay kumukuha ng Doctorate sa Comparative Education. Matapos ang isa at kalahating taon ng pag-aaral sa Tsina, ibinahagi ni Arlyne ang kanyang karanasan at pamumuhay bilang estudyante sa Beijing.
Unang tip: Sana mag alok din ang mga pamantasan ng intensive Chinese language course para sa mga tulad niyang graduate student. Malaki kasi ang bentahe nito lalo na kung nakikisalamuha sa mga taong mula sa iba't ibang sirkulo ng lipunang Tsino. Ikalawa, sa pagpili ng mga fellow, mainam kung ang kukuning mga estudyante ay may karanasan na sa pagta-trabaho. Aniya mas madali ang paglahok sa mga pag-aaral at talakayan kung ang lebel ng expertise ay pantay-pantay.
Bukod sa mga mungkahing ito, ibinahagi rin ni Prof. Marasigan na naibahagi niya kanyang mga kaklase ang ilang importanteng repormang pang-edukasyon. Kabilang sa mga usaping tinalakay niya sa kanyang mga klase ang basic educational reforms tulad ng Universalization of Kindergarten, K-12 at ang pagtuturo gamit ang mother-tongue sa mga paaralan sa Pilipinas.
Pakinggan ang iba pang opinyon ni Prof. Marasigan hinggil sa ilang mahalagang isyung pang-edukasyon sa panayam ni Mac Ramos sa programang Mga Pinoy Sa Tsina.
