Hinggil sa CRIHinggil sa Serbisyo Filipino
   

Shanghai, balik normal; Spicco, balik negosyo

(GMT+08:00) 2020-07-02 18:03:16       CRI

Humuhupa na ang epidemya ng COVID-19 sa maraming lungsod ng Tsina. Sa Shanghai, financial hub ng bansa, bumabangon na ang ekonomiya. Tanggap na ng mga taga-Shanghai ang bagong kagawian ng pamumuhay. Ang mga negosyo, muli na ring nagbukas.

Ang Spicco Ristorante Pizzeria, ay Italian bar at restaurant na may dalawang branches sa Songjiang at Hongqiao Hub ng Shanghai.

Noong kasagsagan ng epidemiya ng COVID-19, napilitang magsara ang maraming negosyo sa Shanghai. Naapektuhan din ang Spicco. Kwento ni Erwin Banayo, Barista na isang taong nang nagtatrabaho sa Spicco, halos 3 buwan ding sarado ang kanilang restoran. Pero ngayon unti-unti, at step by step ang proseso ng kanilang pagbabalik-operasyon. Mas maluwag na ang restriksyon sa mga komunidad, madali na ang transportasyong pampubliko, saad ni Erwin kaya maayos na nakakarating ang mga customer sa restoran.

Dagdag pa ni Erwin,"Paunti-unti naibabalik na ulit ang dating masiglang event. Ang (Philippine) Independence Day (gathering) here at Spicco, halos ilang table lang ang reservations. Pero nagulat kami sa sobrang daming nagwalk-in, as in full house ang venue."

2018 nang ipakilala ang Spicco Pinasayang Sabado. Salu-salo ng mga Pinoy na tampok ang maraming putaheng Pilipino.

Sina Erwin Banayos at Chef Chad (kaliwa at kanan sa harapan) kasama  ang The Friday Club (Tagay Group) na nag-oorganize ng events sa Spicco gaya ng Bingo

Si Erwin ay siya ring Administrator ng WeChat chatgroup ng SPICCO Pinasayang Sabado. Ang chatgroup na may higit 100 miyembro ay plataporma para sa promosyon ng events at pagbebenta ng pagkaing gawa ng mga Pinoy.

Ayon kay Erwin, sa Spicco nagpupunta kapag nangungulila o may craving sa pagkaing Pinoy tulad ng lechon kawali, sisig, dinuguan o crispy pata. Dagdag niya, ito rin ang place to be kung gustong makipag-bonding sa mga kababayan, maglaro ng Bingo o magde-stress sa pamamagitan ng karaoke.

Mahalaga ring ibahagi na ang SPICCO Pinasayang Sabado ay nagbibigay ng pagkakataon sa mga "guest chef" para magpakitang gilas sa paghahanda ng mga Pinoy favorites. Higit sa lahat, sila'y nagkakaroon ng dagdag na kita.

Crispy Pata at sawsawang suka-toyo at atsara

Halo-Halo

Best seller sa mga event ang halo-halo at crispy pork sisig. At sabi pa ni Erwin, si Chef Richard "Chad" Ponce ang star chef ng Spicco Pinasayang Sabado.

 Pinoy foodies na laging sumusuporta sa mga events ng Spicco Pinasayang Sabado

Sa darating na Sabado, Hulyo 4, 2020, ganap na alas-2 ng hapon muling gaganapin ang Spicco Pinasayang Sabado sa Minhang Hongqiao Hub branch. Syempre, para sa kaligtasan, kailangang ipakita ang green health code at sumailalim sa temperature check bago makapasok sa resto. At malugod na pagsisilbihan ni Erwin, kanyang mga kasamahan at ng guest chef sa araw na iyon, ang lahat ng mga nais makatikim ng masarap na lutuing Pinoy.

Panayam/Artikulo: Mac Ramos

Photos courtesy: Erwin Banayos

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>