Napakakilala ng Frankfurt Book Fair sa daigdig na idinaos noong ika-13 ng nagdaang buwan sa Alemanya. Ang Tsina ay kauna-unahang lumahok sa peryang ito bilang bansang pandangal at ang tema nito ay inobasyon at klasika. Ito'y isa pang malawakang pagpapakita sa daigdig ng tagumpay ng Tsina sa kultura pagkatapos ng Beijing Olympic Games at ito rin ang aktibidad ng pagpapalitang pangkultura ng industriya ng paglilimbag ng Tsina na pinakamalaki ang saklaw at impluwensiya sapul nang itatag ang bagong Tsina 60 taon na ang nakararaan. Sa kaslukuyan, ang mga libro ay naging mahalagang tulay ng pag-uugnayan ng Tsina at daigdig. Sa programang ngayong gabi, pakinggan ninyo ang hinggil dito.
Noong 1956 nang kauna-unahang lumahok ang Tsina sa peryang ito, ang karamihang libro na itinanghal ng Tsina ay mga libro sa wikang Tsino na inilimbag ng sarilinan at hindi mabuti ang kalidad ng mga librong ito. Pero sa kasalukuyang perya, itinanghal ng mahigit 190 limbagan ng Tsina ang mahigit 7600 uri ng libro na kinabibilangan ng halos 100 uri ng libro sa wikang Ingles at Amelan na inilimbag ng Tsina.
Ipinalalagay ni Wu Shulin, pangalawang puno ng General Administration of Press and Publication ng Tsina, na bilang bansang pandangal ng peryang ito, ang paglahok ng kanyang bansa ay hindi lamang nagpaalam ng napakabilis na pag-unlad ng industriya ng paglilimbag ng Tsina sa labas, kundi nagpakita ng namumukod at maningning na kulturang Tsino sa daigdig. Sinabi niya na
"Sa kasalukuyan, hindi mahahadlangan ang agos ng pagkaka-iba-iba ng kultura at globalisasyon ng kabuhayan sa daigdig. Sa prosesong ito nangangailangan ang Tsina at daigdig ng mas mabuting pagkaunawaan sa isa't isa, kaya nagiging mahalaga ang pagpapalakas ng pagpapalitang pangkultura ng Tsina at daigdig. Sa pamamagitan ng mga libro, dapat kaming malawak na magpalitan ng kaalaman, maghatid ng impormasyon at magpalagayan sa isa't isa, at sa gayong paraang lamang, saka maitatatag ang mas maharmonyang daigdig sa pundasyon ng pagkakaunawaan sa isa't isa."
Mula noong Marso ng taong ito bago ang pagbubukas ng peryang ito, idinaos ng Tsina ang mahigit 600 ulit na aktibidad na kinabibilangan ng mga porum sa mga aspeto, pagpapalitan sa pagitan ng mga iskolar at pagtataguyod ng mga pagtatanghal at palabas na pansining. Sa peryang ito, mahigit 100 manunulat na Tsino ang nagsadya sa Alemanya para isagawa ang mga aktibidad ng pagpapalitang pangkultura.
Kumpara sa pag-aangkat ng Tsina ng maraming dayuhang libro bawat taon, kaunti ang mga librong Tsino na iniluluwas sa labas. Kaya sapul noong nagdaang 3 taon, sinimulang isagawa ang plano ng pagpapalaganap ng mga librong Tsino sa daigdig para maenkorahe ang mga dayuhang organisasyong tagapaglimbag sa pagsasalin at paglilimbag ng mga librong Tsino. Hanggang sa kasalukuyan, lumahok sa planong ito ang mahigit 100 organisasyon tagapaglimbag ng ibang bansa na isinalin ang mahigit 1380 libro sa mahigit 20 wika. Kaya ang pagsasalin, paglilimbag at pagpapalaganap ng mga libro ng Tsina ay nagsilbing isang pangunahing tungkulin sa peryang ito.
Ipinahayag ni Wu Wei, isa sa mga namamahalang tauhan ng planong ito ng Tsina, na umaasang sa pamamagitan ng mga libro, malalaman ng daigdig ang kasalukuyang kalagayan ng Tsina. Sinabi niya na
"Sa kasalukuyan, dumarami nang dumarami ang mga libro sa daigdig na may kinalaman sa kalagayan, kultura, teknolohiya ng Tsina at iba pa. Umaasa kaming sa pamamagitan ng planong ito, malalaman ng mga dayuhan ang kalagayan ng Tsina, lalo na ang kasalukuyang kalagayan bukod sa sinaunang kasaysayan."
Bukod sa Frankfurt Book Fair, sa mga plataporma ng pagpapalitan ng sirkulo ng paglilimbag ng daigdig na gaya ng New York Book Fair ng Estados Unidos, London Book Fair ng Britanya, Tokyo Book Fair ng Hapon, ang Tsina ay naging isang di-mawawalang bahagi. Ang Beijing International Book Fair ay magiging isa sa mga pinakamahalagang book fair sa daigdig. Naniniwalang ang pagiging internasyonal ng industriya ng paglilimbag ng Tsina ay magpapakita sa daigdig ng isang Tsina na buong sikap na naghahangad ng mapayapang pag-unlad.
