Beijing, umulan na ng niyebe

Larawang kinuha sa paligid ng Forbidden City

Umulan kahapon ng niyebe dito sa Beijing. Talagang malakas ang pag-ulan at tumagal ito mula noong madaling araw hanggang hapon. Makapal ang natipong niyebe sa lupa at naging puti ang buong lunsod.

Taun-taon'y umuulan ng niyebe sa Beijing. Pero maaga ang kasalukuyang pag-ulan sa unang araw ng Nobyembre. Ayon sa ekspertong meteorolohikal, ito ay pinakamaagang pag-ulan ng niyebe sa isang taon nitong halos 10 taong nakalipas at ika-3 pinakamaaga sa kasaysayang meteorolohikal ng Beijing.

Niyebe at pulang dahon ng maple tree

Sa katotohanan, ang kasalukuyan ay ang taglagas sa Beijing at hindi pa taglamig kung kailan madalas ang pag-ulan ng niyebe. Sa taglagas, ang pinakamagandang tanawin sa Beijing ay ang mga pulang dahon ng maple tree. Ngayon, mas masuwerte kami, dahil nakikita ang pulang dahon kasama ng niyebe. Mas maganda ang tanawing ito.

Sina Nelia, Rhio at Marissa

Btw, ngayong umaga, may 3 panauhing Pilipino sa aming Service Filipino na sina Marissa, Nelia at Rhio. Ilang araw na nananatili na sila sa Beijing at kaugnay ng kasalukuyang pag-ulan ng niyebe, sabi nilang malamig na malamig, pero tuwang-tuwa sila dahil ito ang kauna-unahang pagkakataon na nakikita nila ang niyebe. Naglaro anila sila ng niyebe at kumuha ng maraming litrato.

Tulad ng nabanggit ko sa itaas, maaga ang kasalukuyang pag-ulan ng niyebe at bakit ganitong maaga, mayroon bang kaugnayan sa global warming na sanhi pa sa maraming bagyo sa Pilipinas sa taong ito?

Pero masuwerte kami, dahil ang niyebe ay hindi kasinsama ng bagyo. Sa karaniwan, ang taglagas sa Beijing ay tagtuyot din, pero ang pag-ulan ng niyebe ay hindi lamang nagdudulot ng tubig, kundi rin pumapatay sa mga masamang insekto, kaya ito ay makakabuti sa paglaki ng mga pananim. At sa harap naman ng lumalalang epidemiya ng H1N1 influenza A dito sa Beijing, mapapatay pa ng niyebe at negatibong temperatura ang influenza virus?

Ok, sa ibaba, makikita ninyo ang mga larawan ng niyebe na kinuha ko sa paligid ng CRI building.

Ang larawang ito ay kinuha mula sa bintana ng opisina ng Serbisyo Filipino sa ika-9 na lapag ng CRI Building. Nakita ba ninyo ang niyebe sa kagubatan at bundok sa malayo?