Hinggil sa CRIHinggil sa Serbisyo Filipino
   

Songshu Guiyu o Sweet and Sour Squirrel-shaped Mandarin Fish

(GMT+08:00) 2009-11-18 15:52:33       CRI
Mga giliw na cooking fans, ito po si Chef Pogi, matagal tayong hindi nagkita. Nitong ilang buwang nakalipas, abalang-abala ako sa ibang gawain, kaya hindi kong ini-update ang mga putahe. Pero sa kasalukuyan, ayos ang gawaing iyon at mula ngayon, pinanumbalik kong ihandog sa inyo ang mga putahe.

Ngayong araw, ang putahe kong ihahandog ay Sweet and sour squirrel-shaped mandarin fish o "Songshu Guiyu". Ito ang isang kilalang pagkain mula sa Suzhou, lugar sa timog silangang Tsina. Matamis at maasim ang putaheng ito na tulad ng ipinakikita ng pamagat nito.

Mga sangkap

1 mandarin fish, mga 750 gramo ang timbang
20 gramo ng sibuyas
20 gramo ng pinatuyong kabute, ibinabad sa tubig
20 gramo ng labong, ibinabad
15 gramo ng karot
15 gramo ng green peas
100 gramo ng tomato sauce
15 gramo ng cooking wine
150 gramo ng tubig
5 gramo ng asin
20 gramo ng asukal
20 gramo ng suka
2 gramo ng sesame oil
50 gramo ng cornstarch
15 gramo ng pula ng itlog
15 gramo ng harina

Hinggil sa mga sangkap

Ang mandarin fish o tinatawag ding Chinese perch ay isang uri ng freshwater fish. Sa wikang Tsino, ito ay tinatawag na "Guiyu". Iba ito sa saltwater mandarinfish. Mayroon lamang itong mga malaking tinik at kakaunti ang mga maliit na tinik. Ito ang dahilan kung bakit ginagamit ang isdang ito sa putahe "Sweet and sour squirrel-shaped mandarin fish". Kaya kung walang mandarin fish, hahalinhan ninyo ito ng iba pang isdang kakaunti ang mga maliit na tinik.

Paraan ng pagluluto

Hugasan at kaliskisan ang isda, at alisin ang hasang at lamang-loob. Putulin ang ulo ng isda at ibuka sa gitna. Hiwain ang isda sa kahabaan ng backbone nito. Huwag gagalawin ang buntot. Alisin lahat ang tinik. Hiwaan nang pahilis ang magkabilang tagiliran ng isda. Ibabad ang ulo at katawan sa cooking wine at asin. Hiwain nang pa-cube ang mga sibuyas, kabute, labong, at karot at banlian.

Mag-init ng mantika sa kawali. Pahiran ng harina at pula ng itlog ang ulo at katawan ng isda. Iprito hanggang maging ginintuan ang kulay. Isalin sa plato. Mag-iwan ng kaunting mantika sa kawali. Buhusan ng tomato sauce. Ihulog ang mga hiniwang sibuyas, kabute, labong at karot at ang green peas bago igisa. Lagyan ng cooking wine, tubig, asin at asukal. Pagkulo, lagyan ng mixture ng cornstarch at tubig para lumapot. Wisikan ng sesame oil ang isda tapos ibuhos dito ang sauce. Tapos isilbi.

Balik sa aking blog>>

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>