Ito pong muli si Andrea para sa kasalukuyang Asiad.
Ang naririnig ninyo ay sound ng idinaos kagabing Wushu competition sa Nansha Gymnasium ng Guangzhou.
2 manlalarong Pilipino ang sumabak sa nabanggit na paligsahan-- si Estimar Mary Jane sa Women's Sanshou 52 kg quarterfinals at si Eduard Folayang sa Men's Sanshou 70 kg eighth-final. Natalo si Jane ng kanyang katunggaling Iranian samantalang hindi rin nakayang panaigan ni Folayang ang lakas ng kanyang kalabang Tsino.
Bilang tugon sa aking tanong na kung ano ang nakikita niyang dahilan sa pananaig sa kanya ng kanyang kalaban, ang sagot ni Jane: "Kulang sa pagsasanay."
Pakinggan natin kung ano ang gusto niyang sabihin sa kanyang coach,pamilya,mga kaibigan at ganundin sa mga tagasubaybay ng programang ito.
Masiglang masigla ang laban sa pagitan ni Folayang at ng manlalarong Tsino. Pagkatapos ng laban, pagod na pagod si Folayang, halos hindi na makagulapay, halos hindi na makapagsalita. Gayun pa man, nagpahayag pa rin siya ng pagsasalamat sa pagkatig ng mga tao sa kanya.
Kahapon, nakuha nina Ronnie Steeve Vergara at Charlea Lagaras ang unang dalawang tanso para sa Pilipinas sa Latin-cha-cha at Latin-Pasa Doble sa Dancesport. Congratulations!
