Gabi ng Musika Ika-28 2010

October 30, 2010 (Saturday)

Host: Magandang-magandang gabi. Ito ang inyong loving DJ para sa Gabi ng Musika.

Kung nakikinig si Let Let Alunan ng Germany, hintayin mo ang tawag ko sa Linggo ng madaling araw, mga 2 o'clock dito sa Beijing. Sorry, naputol ang signal natin last time, kung kelan pa nagkakasarapan ang ating usapan. Hintayin mo na lang ang tawag ko, ok?

Sabi ni Caroline ng Australia, ipagdasal daw natin iyong mga biktima ng tsunami sa Indonesia. Marami daw namatay at nawala dahil sa disaster na nabanggit.

Maalala ko, malapit na ang All Saints' Day. Mag-offer naman tayo ng sacrifices at prayers sa ating dearly departed. Kailangan nila ang mga dasal at sakripisyong ito.

BODY AND SOUL 4:42

(LOUIS ARMSTRONG)

Host: Narinig ninyo si Louis Armstrong sa kanyang awiting "Body and Soul," na lifted sa kanyang album na may pamagat na "Louis for Lovers."

Kayo ay nasa himpilang China Radio International at sa programang Gabi ng Musika ng Serbisyo Filipino. Ito si Ramon Jr., ang inyong loving DJ.

Bigyang-daan natin ang ilang SMS.

Sabi ng 921 577 9195: "Malapit na ang Undas, Kuya Ramon. Ano ba ang plan mo para sa araw na ito? Kami, as usual, magpupunta sa kampo santo para magtirik ng kandila."

Sabi naman ng 906 522 9981: "Sa November 1, ang pinakamagandang paraan ng pag-alaala sa ating mga nawalang kamag-anakan ay ang pagdarasal ng espesyal na panalangin para sa ikatatahimik ng kanilang mga kaluluwa."

Sabi naman ng 910 611 8423: "Kuya Mon, ang November 1 ay espesyal na araw para sa ating mga Pinoy. How do you celebrate this day in Beijing? Please join us in praying for all our brothers and sisters who passed away."

Salamat sa inyong mga SMS.

FAIRY TALE 4:04

(GUANG LIANG)

Host: Mula sa album na pinamagatang "Michael Fairy Tale," iyan ang awiting "Fairy Tale," na inihatid sa ating masayang pakikinig ni Guang Liang.

Ngayon, dumako naman tayo sa pinakahihintay ninyong lahat, Balitang Artista. Super

DJ Happy, pasok.

V O I C E

Host: Thank you, Super DJ.

EVENING MUSIC 3:46

(JAY CHOU)

Host: Jay Chou at ang awiting "Evening Music," na hango sa album na pinamagatang "November's Chopin 11."

May natanggap akong poster ni John Lennon at ilang postcards at bookmarks. Iyong poster ay galing kay Jeanne ng Denmark; iyong postcards kay Marivic ng Finland at iyong bookmarks kay Aubrey ng Germany. Maraming salamat sa inyo.

Sabi ni Ingrid ng New Territories, Hong Kong: "Kulang talaga tayo sa pagbibigayan kaya wala sa kaayusan ang mundo."

Sabi naman ni Rolly ng Guadalupe, Makati City: "Hindi pa rin nawawala ang pamumulitika ng mga pulitiko natin. Hindi na sila natuto."

Sabi naman ni Fe ng Carmona, Cavite: "Dapat pasiglahin natin ang agri sector natin gaya ng ginagawa nila sa China."

Sabi naman ni Brix ng Makassar, Indonesia: "Lumolobo population natin. Tigilan na ang pagtatalo. Panahon na para kumilos."

Sabi naman ni Marivic ng Olongapo City: "Signs of times: cholera epidemic sa Haiti. gulo sa France, strike sa Italy dahil sa basura, at lindol at tsunami sa Indonesia."

Maraming-maraming salamat sa inyong mga SMS.

THE ONE FOR ME 3:23

(LUO ZHIXIANG)

Host: Iyan naman si Luo Zhixiang sa awiting "The One for Me," na buhat sa album na pinamagatang "You Can Listen and Sing with Us."

At diyan sa puntong iyan nagtatapos ang edition sa araw na ito ng Gabi ng Musika. Itong muli si Ramon Jr. Maraming salamat sa inyong walang-sawang pakikinig.