Hinggil sa CRIHinggil sa Serbisyo Filipino
   

Simbahan sa Prefab House

(GMT+08:00) 2010-12-28 18:14:59       CRI

 

Sa nalalapit na bagong taon, ang awiting ito na puspos ng kaligayahan ay nagbibigay ng masayang atmospera ng kapistahan. Sa okasyon ng pamamaalam sa kahapon at pagsalubong sa bagong bukas --- katulad din ng mga salita sa awiting ito, ang lahat ng dati ay iiwan na sa nagdaang taon at bagong pag-asa naman ang dulot ng papasok na taon.

(Music)

Habang ang aming reporter ay nasa isang Catholic Church sa Shifang, lalawigan ng Sichuan sa katimugan ng Tsina noong nagdaang linggo, napakinggan niya ang awiting ito na inawit ng mga magsasaka. Ayon sa kanya, hindi pangkaraniwan ang kanyang naramdaman, habang pinapanood niya ang makukulay na kasuotan at sayaw ng mga taga-roon na lipos ng kaugaliang pansaka sa saliw ng kanta. Sabi pa ng isang manonood, kung hindi nakikita ang altar sa loob ng sa simbahang, ibig sabihin, ito'y parang isang abalang maliit na theater sa halip na isang Catholic Church.

Ang Shifang ay isang bayan sa lalawigang Sichuan. Ang karamihang deboto ng simbahan ay mga magsasaka na galing sa mga nakapaligid na nayon. Bagama't hindi sila tumanggap ng normal na edukasyong pansining, taglay nila ang likas na pagkamalikhain. Buong pagmamalaki nilang ipinakita ang kani-kanilang talento.

"Ang aming kasuotan ay pawang ini-order pa, dahil itinataguyod namin ang mga aktibidad sa lahat ng kapistahan bawat taon. Mayroon din kaming palabas noong Kapaskuhan ng 2008," ani Ate Fan, isang babaeng deboto na galing sa nakapaligid na bayan ng Mianzhu.

Mga bahay na nawasak sa lindol

Dagdag ni Ate Fan, noong May 12, 2008, naganap dito ang lindol na may lakas na intensity 8 sa Richter Scale, at isa sa mga lugar na pinakagrabeng sinalanta ng kalamidad, at nawasak ay ang kanyang nayon, kasama ang Catholic Church sa Mianzhu. Dahil sa naturang kalamidad, hindi pa naitatayo ang bagong simbahan, at wala silang ibang pagpipilian kundi, pumunta sa simbahan sa Shifang, na may dalawampung kilometro ang layo sa Mianzhu.

Kinapanayam sina Ate Fan (left) at Ate Fang (mid) ng reporter ng CRI na si Lele (right)

Habang binabanggit ni Ate Fan ang naturang nakatatakot na karanasan, Bakas sa mukha niya na hindi pa rin niya nakakalimutan ang masaklap na karanasan.

Sinabi ni Ate Fan na :

"Noong panahong iyon, kaawa-awa at natatakot kami, wala kaming pabahay. Sa isip namin, saan man ay hindi na kami makakaligtas."

Sinabi ni Ate Fang na:

"Kapag naaalala ko ang lindol na iyon, natatakot pa rin ako. Mabuti na lang at gumawa ang pamahalaan ng napakaraming gawain para sa amin, at pinagkalooban kami ng pagkain at damit."

Ang Pari at mga Katoliko

Pagkatapos ng palabas, nag-usap-usap ang mga taga-roon at mababakas sa kanilang mga mukha ang saya at ngiti.

Mahigit isang taon na sapul nang maganap ang super-lindol, at unti-unti nang itinatayo ang mga nawasak, at pinapanumbalik na sa normal ang pamumuhay ng pamilya nina Ate Fan at mga mamamayang lokal.

Sinabi ni Ate Fan na :

"Hindi na ako natatakot. Kung tutuusin, ito'y ang aking lupang-tinubuan, at mananatili ako rito hanggang-wakas."

Sa ngayon, isang pansamantalang mobile prefab house lamang ang nagsisilbing simbahan sa Mianzhu, ngunit katulad ni Ate Fan, nananatiling malaki pa rin ang pag-asa ng mga taga rito na maidaraos ang mga religious activities sa kanilang simbahan.

"Nagsasagawa kami ng misa sa prefab house, at ito ang kasalukuyang kalagayan, at wala kaming pagpipilian."

Sa mainit na imbitasyon ni ate Fan, pumunta sa Mianzhu ang aming reporter at kanyang natunghayan ang nawasak na simbahan sa Mianzhu na itinuturing nang isang relikya na may ilang daang taong kasaysayan. Ito ang unang simbahan pagkaraang pumasok ang Catholicism sa lalawigan ng Sichuan. Ngunit sa harap ng napakalakas na lindol, naging mahina pa rin ang simbahang ito.

Simbahan sa prefab house sa Mianzhu

Pagkaraan ng trahedya, upang magkaroon ng tahanan ang mga apektadong mamamayan, 625 libong mobile prefab house ang naitatag sa nasalantang lugar, at kabilang sa mga ito ang kasalukuyang "Catholic Church" sa Mianzhu.

"Noong panahon pagkatapos ng lindol, wala pa kaming prehab house, kaya nagsasagawa ng misa ang paring si Li Jinxuan sa courtyard, at kung umuulan, itinutuloy at tinatapos pa rin namin ang misa."

Nang mabanggit ang "outdoor mass," sinabi ni Father Li na sa harap ng kalamidad, higit na kinakailangan ng mga tao ang moral support, at iginiit niya na ang pagsasagawa ng misa ay paraan upang mapalakas ang pananampalataya ng mga tao.

"Sa katotohanan, maaga akong nagkaroon ng relihiyon, ngunit hindi ko totohanang nalaman ang pananampalataya. Pagkatapos ng super-lindol, nakahanap ako ng pagmamahal at kaligayahan sa simbahan. Nakahanap din ako ng sariling tunay na pananampalataya."

Sa loob ng simbahan sa prefab house sa Mianzhu

Kung itinanong kay Father Li Jinxuan kung ano ang kanyang iniisip noong nagaganap ang lindol, sinabi niya:

"Walang bagay ang nasa aking isip. Pagkaraan ng lindol, iniisip ko na dapat akong manatili dito."

Ayon sa kanya, bilang isang pari, siya ngayon ang nagsisilbing moral support ng mga mamamayan, at paulit-ulit niyang sinabi na kahit nawasak ang kanilang mga tahanan, hindi dapat "mawasak" ang kanilang moralidad.

 Magpaalam na sa maligayang awitin ng Pasko at sumalubong sa pag-asang dala ng bagong taon. Sa okasyong ito, lubos na inaasahan ng mga taga-Mianzhu ang maningning na bukas na dala ng bagong taon.

"Umaasa ang mga tao na maitatatag na muli ang simbahan at magkakaroon kami ng isang totoong 'pabahay' sa lalong madaling panahon."

Ang mga bagong bahay na muling itinatag pagkaraan ng lindol

Para sa mga nasalanta ng lindol sa lalawigang Sichuan, ang muling pagkakaroon ng pabahay sa kanilang lupang-tinubuan ay isang napakaimportante at napakasayang yugto sa kanilang buhay. Ang pabahay na ito ay naglalarawan ng kanilang aspirasyon at hangarin para sa pagsisimula at pagkakaroon ng bagong pamumuhay; para naman sa mga Katoliko sa mga apektadong lugar ng Sichuan, ang mobile prefab house na nagsisilbing simbahan ay ang kanilang pabahay sa puso.

Dahil sa pabahay sa puso, nabigyan sila ng inspirasyon upang maghangad sila ng mas magandang hinaharap.

"Nawa, ang mga Katoliko sa ibayong dagat ay magpunta dito sa Sichuan para mas malalim nilang matanto ang tunay na kalagayan ng mga mamamayan dito. Isa rin itong paraan upang kami ay matuto mula sa kanila.

/end//

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>