|
||||||||
|
||
Iginagalang ng Pilipinas ang desisyon ng China na ituloy ang pagbitay sa tatlong Pilipinong nahatulan ng kamatayan dahilan sa pagpupuslit ng droga papasok sa Xiamen at Shenzhen. Ito ang laman ng pahayag ng Department of Foreign Affairs na ikinalat na sa mga mamamahayag.
Magugunitang una nang binanggit ng Chinese Ambassador to the Philippine Liu Jianchao na itutuloy ang pagbitay sa mga susunod na panahon at walang anumang magagawa upang mailigtas pa ang tatlo.
Aalis ang mga kamag-anak ng tatlong kondenado ngayong Sabado upang makasama ang kanilang mahal sa buhay sa nalalabing panahon. Ang tatlo ay sina Ramon Credo, 42 anyos, Elizabeth Batain, 38 anyos at Sally Villanueva, 32 anyos.
Igagawad ang parusa sa loob lamang ng isang araw. Sinabihan na ang mga kamag-anak ng mga kondenado tungkol sa napipintong pagbitay. Naibigay na rin naman ng Department of Foreign Affairs ang lahat ng tulong na legal at ayuda ng mga tauhan ng embahada. Tiniyak din ng Pamahalaang Chino na iginalang ang lahat ng kanilang mga karapatan hanggang sa mga huling araw na ito.
Iginiit ng Pilipinas na ang tatlo'y nagmula sa mahihirap na pamilya kaya't nahumaling na magpuslit ng iligal na droga sa China.
© China Radio International.CRI. All Rights Reserved. 16A Shijingshan Road, Beijing, China. 100040 |