|
||||||||
|
||
ANG early childhood development sa bansa ay tatanggap na halos isa't kalahating bilyong piso matapos ipasa ng Senado ang Early Years Act, kilala sa pangalang Senate Billl No. 2802 kahapon sa ikatlo at huling pagbasa.
Ang halagang ito'y mas malaki kaysa unang mga panukala matapos maipaliwanag ni Senador Edgardo J. Angara, ang nagtaguyod ng panukalang batas, na kailangang tutukan at isulong ang edukasyon ng mga batang hanggang anim na taong gulang.
Magkakaroon ng taunang pondo na limang daang milyong piso para sa unang limang taon na magmumula sa isang korporasyong pag-aari ng pamahalaan. Magkakaroonn din ng dagdag na isang bilyong piso para sa pagpapatakbo ng Early Childhood Care and Development Council mula sa national budget ng Pilipinas.
Si Senador Angara ang chair ng Senate Committee on Education, Arts and Culture, ang may akda ng Senate Bill No. 2567 na naglalayong susugan ang kasalukuyang Early Childhood Care and Development system na sinimulan noong taong 2000.
Ang Early Years Act ay naglalayong baguhin ang kasalukuyang Day Care centers at gawing child development centers na nakatuon sa pag-aaral at hindi lamang palaro.
© China Radio International.CRI. All Rights Reserved. 16A Shijingshan Road, Beijing, China. 100040 |