Hinggil sa CRIHinggil sa Serbisyo Filipino
   

Nararapat paninindigan ng Pilipinas ang mga pulong kabilang sa kanyang nasasakupan

(GMT+08:00) 2011-07-04 17:16:53       CRI

NANINIWALA si Pangalawang Pangulong Jejomar C. Binay na mahalaga pa rin ang diplomasya sa paglutas ng mga 'di pagkakaunawaan sa karagatan sa kanlurang bahagi ng Pilipinas. Sa isang panayam ng CBCP Media Office kanina, sinabi ni Vice President Binay na hindi naman ito nangangahulugan na lilimutin na lamang ng Pilipinas ang bahaging tunay na pag-aari nito tulad ng ilang pulo na napakalapit sa Palawan.

Mas magandang pag-usapan ng Tsina at Vietnam ang kanilang paghahabol sa mga kapuluan sa karagatan tulad rin ng Pilipinas. Sapagkat malaki ang salapi ng Tsina, mas makabubuting tumulong na lamang ang bansang pangalawa sa pinakamayaman sa daigdig sa larangan ng pangangapital at hatian ang mga bansang naghahabol din sa likas na yaman ng karagatan.

Sinabi pa ni Pangalawang Pangulong Binay na higit na magiging madali ang kalutasan sa sigalot kung makakasama ang Tsina sa mga bansang kumikilala sa United Nations Convention on the Law of the Sea.

NAGPASALAMAT naman si Pangulong Benigno Simeon C. Aquino III sa paglagda ng Pamahalaan ng Pilipinas at Cordillera Bodong Administration at Cordillera People's Liberation Army na maghahatid ng kapayapaan sa kabundukang bahagi ng Luzon, sa Cordillera Region, na isa sa pinakamahirap na bahagi ng Pilipinas.

Ani Pangulong Aquino, hindi mapababayaan ang mga taga-Cordillera kung kaunlaran ang pag-uusapan sapagkat malaki ang kanilang papel sa pagpapanatili ng ka payapaan sa bahaging iyon na bansa. Lumakas ang grupong armado sa pook dahilan mga pag-abuso ng militar noong mga nakalipas na dekada at kawalan ng mga programang magdadala ng kaunlaran doon.

Idinagdag pa ni Pangulong Aquino na tumagal ng 25 taon ang pag-uusap sa pag-itan ng pagkabilang panig. May mga kasapi sa Cordillera People's Liberation Army na makakasama na rin ng Sandatahang Lakas ng Pilipinas, bilang bahagi ng kasunduan ng magkabilang panig.

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>