Pagtatalong may kinalaman sa century egg

Kamakailan, ipinalabas sa blogsite ng CNN, na CNNGo ang isang artikulo kung saan pumili ang mga iReporters o netizen journalists ng website na ito ng mga "most revolting food" ng daigdig. Sa listahang ito, may isang pagkaing Tsino na century egg, kasama ang dalawang pagkain mula sa Pilipinas at tig-isa mula sa Indonesya, Kambodya, Thailand at Timog Korea. Nang mabanggit ang century egg, anang artikulo, "it tastes like the devil cooked eggs." Ikinagalit ng mga netizens na Tsino ang pahayag na ito. Ipinahayag nilang ang century egg ay isang masarap na pagkain sa Tsina na nagugustuhan ng maraming tao, at ang naturang listahan ay "unscientific and disrespectful." Nagpadala rin ng liham sa CNN ang isang egg processing company ng Tsina bilang protesta. Pagkatapos, nagpalabas ng pahayag ang CNNGo editor-in-chief na humihingi ng paumanhin. Aniya, walang intensyon ang artikulong ito na manakit ng damdamin ng mga taong gusto ang century egg at siraan ang kulturang Tsino. Sinabi niyang siya mismo ay gusto ang pagkaing ito.

Sa episode na ito ng Pag-usapan Natin, tatalakayin ng mga host ang pagtatalong dulot ng pangyayaring ito.