Mga gawain pakaraan ng Hong Kong hostage-taking incident, hindi pa natapos

Hindi lang paumanhin ang hinihingi ng mga naulila ng mga biktima sa sinasabing manila hostage-taking massacre sapagkat nais din nilang magkaroon ng makatwirang kabayaran at pananagot sa batas ng mga opisyal ng pamahalaang nagpabaya sa insidenteng naganap noong nakalipas na taon.

Magugunitang walong hong kong nationals ang nasawi kasama ng hostage-taker na si police senior inspector rolando mendoza sa napalpak na rescue operations ng manila special weapons and tactics personnel.

Hindi umano malilimot ng pamilya ng nasawing tour guide na si masa tse ting chunn ang naganap sa harap ng quirino grandstand.

Lumiham ang mga naulila at mga nakaligtas sa insidente kay pangulong benigno aquno iii sa pamamagitan ng konsulado ng pilipinas sa hong kong. Hiniling nila kay pangulong aquino na magpakita ng katapatan sa pakikiisa sa kanilang pagdadalamhati sa pamamagitan ng isang formal apology at magpaabot ng kompensasyon sa mga naging biktima.

Hiniling din ng grupong mula sa hong kong na gumawa ng kaukulang hakbang upang matiyak ang kaligtasan ng mga turista at maiwasang maulit pa ang naganap noong agosto 23, 2010.

Umaasa silang magiging maganda ang tugon ng pamahalaan.

Bukas, pamumunuan ni military bishop leopoldo tumulak ang isang misa ng paggunita sa mga nasawi sa ganap na ika-walo ng umaga sa kapilya ng campo crame, unong tanggapan ng philippine national police.

Inaasahang dadalo sa paggunita sina local government and interior secretary jesse robredo at philippine national police chief director general raul bacalzo.