MULA sa Shanghai, sinabi Ni Pangulong Benigno Simeon C. Aquino III na pabor pa rin sa Tsina ang kalakal sa pag-itan ng dalawang bansa. Sa kanyang talumpati sa harap ng mga mangangalakal na Filipino at Tsino sa Pudong Shangrila Hotel, sa nakalipas na 35 taon, umabot na sa higit na 2.8 bilyong dolyar ang inilagak na kapital ng mga Filipino sa Tsina samantalang aabot lamang sa 500 milyong dollar ang ginugol ng mga Tsino sa Pilipinas.
Ayon sa pangulo, kayang-kaya ng mga Tsino na maglagak ng kapital sa Pilipinas sapagkat may sapat itong salami at teknolohiya.
Idinagdag pa niya na sa kampanya ng pamahalaan na tapusin at pigilan ang korupsyon, umaasa syang mawawakasan na rin ang kahirapan sapagkat marami nang magkakalakal sa Pilipinas.
Sa panayam kanina, sinabi ni Pangulong Aquino na higit sa kanyang inaasahan ang matatamo ng Pilipinas sa larangan ng kalakal. Tumanggi siyang banggitin ang exact figures ng investments na matatamo ng bansa subalit ipinangako niyang babanggitin niya Ito sa kanyang arrival statement.
Ngayong hapon, dumalaw si Pangulong Aquino sa Liwayway China Co., Ltd., na gumagawa ng iba't ibang snack foods para sa mga kabataan. Sinalubong si Ginoong Aquino ng may apat na libong mga kawani at mga mag-aaral mula sa mga kalapit na paaralang bayan. Sa kanilang pasilidad sa Shanghai, 38 ang mga Pilipino na may managerial positions.
Mula sa pabrikang itinatag noong 1993, lumago na sa 14 na pabrika ang kanilang naitayo sa buong China. Gumagawa sila ng mga matatamis at malasang merienda,potato chips,confectionaries at mga inumin.
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
