|
||||||||
|
||
SUMANG-AYON na ang Philippine Overseas Employment Administration Governing Board na magtrabaho ang mga Pinoy sa Iraq at Afghanistan at maging sa mga nasa loob ng American military camps and facilities upang matapos na rin nila ang kanilang mga kontrata.
Ayon kay Labor and Employment Secretary Rosalinda Dimapilis-Baldoz, pinahihintulutan na nila ang mga manggagawa base sa rekomendasyon ng Department of Foreign Affairs.
Payag na ang POEA sa mga may mga kontrata sa Iraq at Afghanistan at mga pasilidad ng Estados Unidos na tapusin ang kanilang mga kontrata at may pahintulot na rin kung magkakaroon ito ng onsite renewal. Nangangahulugan ito ng partial lifting ng ban o pagbabawal na magtrabaho sa Iraq at Afghanistan sa isang resolusyon na inilabas kamakailan. Sinuspinde ng POEA government board ang pagpoproseso at deployment ng mga mangagagawa sa Iraq at Afghanistan dahilan sa kawalan ng katiyakan sa katahimikan at kaligtasan ng mga mamamayan doon.
NAGPALABAS na ang pamahalaang Pilipino ng P 4.95 bilyon o Y 825,000,000 upang madagdagan ang mga kasangkapan ng Sandatahang Lakas ng Pilipinas at maipagtanggol ang nasasakupan nito, kabilang na ang sinasabing "existing and potential" petroleum-producing areas sa South China Sea.
Ayon kay Budget and Management Secretary Florencio Abad, ang P 2.65 bilyon ay gagamitin upang makabili ng isa pang cutter at tatlong helicopters para sa Hukbpong Dagat ng Pilipinas at P 2.3 bilyon upang makabili ng tatlo pang helicopters para sa Hukbong Himpapawid ng Pilipinas.
Gagamitin umano ito bilang pananggalang sa Malampaya natural gas and power project, dagdag pa ni Ginoong Abad.
Ang pagpapalabas ng salaping ito ay kasunod ng P 423 milyon na ibinili ng Hamilton class mula sa US Coast Guard.
© China Radio International.CRI. All Rights Reserved. 16A Shijingshan Road, Beijing, China. 100040 |