Hinggil sa CRIHinggil sa Serbisyo Filipino
   

PNoy, binati ang mga tagasubaybay ng CRI

(GMT+08:00) 2011-11-21 20:55:57       CRI

Inscription ni PNoy

Sa okasyon ng ika-70 anibersaryo ng China Radio International, nagpaabot si Pangulong Benigno Simeon C. Aquino III ng kanyang mensahe sa lahat ng mga tagasubaybay ng CRI, lalo't higit ang mga Pilipinong nasa iba't ibang bahagi ng daigdig.

Narito ang kanyang pagbati:

"Sa lahat po ng tagapakinig ng CRI, nagpapasalamat po muna ako sa CRI na binigyan tayo ng pagkakataon na maabot ko po kayo. Ito po si Noynoy Aquino na talagang nakatutok na sana po'y maiayos natin ang ating lipunan, ang atin pong bansa at mabigyan kayo ng dahilang maipagmalaki ang ating bansa at bigyan rin kayo ng dahilan para kayo'y magnais na makabalik ng maaga dito po sa ating Inangbayan.

Nais ko pong ibalita sa inyo na bagama't maraming problemang tayong minana at nasasangkot sa nangyayari po sa buong mundo, ay talaga pong maipapangako ko sa inyo na papalipas na nang papalipas yung panahong wala tayong magawa, paparami ng paparami ang pagkakataon na may magagawa para maapektuhan ang ating kinabukasan.

Ulit, baka naman sobra na ang pagkuha ko ng mga sandali sa CRI, maraming salamat sa kanila sa pagbibigay ng pagkakataong ito a sana po'y nasa mabuting kalagayan.

Huwag po kayong magdududa na lagi laming nakatutok sa inyong kapakanan.

Salamat po!"

Sumulat din si PNoy ng kanyang mensahe para sa CRI na kung saan mababasa na: "Sa lahat ng mga sumusubaybay ng CRI, nawa'y nasa maayos kayong kalagayan. "

Sumusulat si PNoy ng mensahe para sa mga tagasubaybay ng CRI

Ipinahayag ni PNoy ang kanyang mensaheng pambati sa isang grupo interview sa Malakanyang ngayong hapon ng China Radio International Filipino Service at anim na ibang Chinese Media.

(Reporter: Jade Photographer: Rouelle Umali, Jade)

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>